អាមេរិក៖ បណ្តាញសង្គមដ៏ល្បីល្បាញនៅអាមេរិក គឺ Twitter បាន«ចាក់សាំងបន្ថែមលើភ្លើងកំពុងតែឆេះ» ក្នុងពេលកំពុងប្រឈមមុខតានតឹង ជាមួយប្រធានាធិបតីត្រាំ ។ Twitter បាន បោះត្រាព្រមាន លើអត្ថបទរបស់លោក ដែលសរសេរមានខ្លឹមសារញុះញុង់អំពើហិង្សា។
សារព័ត៌មានរ៉យទ័របានផ្សាយថា ៖ នៅថ្ងៃទី២៩ខែឧសភា Twitter បានបោះត្រា ព្រមាន«ខ្លឹមសារមានហឹង្សា»ទៅលើអត្ថបទរបស់លោកត្រាំ ដែលបានបង្ហោះលើបណ្តាញសង្គមនេះ។ អត្ថបទរបស់លោកត្រាំបានសរសេរពាក់ព័ន្ធ បាតុកម្ម នៅទីក្រុងMinneapolis រដ្ឋ Minnesota ត្រូវបានបណ្តាញសង្គមចាត់ទុកថា បានបំពានច្បាប់របស់របស់ Twitter ។ ប៉ុន្តែ បណ្តាញសង្គមនេះមិនបានដកអត្ថបទ«ហិង្សា»របស់លោកត្រាំចេញឡើយ គ្រាន់តែបោះត្រាព្រមាន ហើយរក្សានៅដដែល ឲ្យមហាជនបានឃើញ។
លោកត្រាំបានសរសេរនៅលើបណ្តាញសង្គមTwitter ថា«ក្រមជន កាចសហាវកំពុងតែបំផ្លាញ ការការគោរពដល់ជនរងគ្រោះGeorge Floyd ហើយខ្ញុំនិងមិនទុកឲ្យរឿងនោះកើតឡើងឡើយ ។ ខ្ញុំបាននិយាយទៅកាន់អភិបាលរដ្ឋTim Walz ថាកម្លាំងទាហាន សន្តិសុខ តែងរួមដំណើរជាមួយលោក បើទោះបីមានឧបស័គ្គអ្វី។ យើងនឹងគ្រប់គ្រងស្ថានភាព នៅពេលមានការឆក់ប្លន់កើតឡើង អាវុធនឹងផ្ទុះ»។
ស្ថានភាពផ្ទៃក្នុងទឹកដីអាមេរិក កាន់តែតានតឹង ក្នុងពេលការបោះឆ្នោតប្រធានាធិបតីអាមេរិក កាន់តែខិតមកជិត ។ លោកត្រាំត្រូវបានគេចាត់ទុកថាជាប្រធានាធិបតី ដែលមានជម្លោះជាមួយអ្នកសារព័ត៌មាន ជាបន្តបន្ទាប់ នៅថ្ងៃទី២៩ខែឧសភានេះ ដែរ កម្លាំងសន្តិសុខក៏បានចាប់ខ្លួនអ្នករាយការណ៍ផ្ទាល់របស់បណ្តាញព័ត៌មានCNN ពេលកំពុងផ្សាយទិដ្ឋភាពបាតុកម្ម៕
ដោយ៖ ធី រីណា
