ខេត្តកណ្តាល៖ គម្រោងសាងសង់អាកាសយានដ្ឋានអន្តរជាតិភ្នំពេញថ្មីដែល មានទីតាំងស្ថិតនៅក្រុងតាខ្មៅ និងស្រុកកណ្ដាលស្ទឹង ខេត្តកណ្ដាល ជាប់ព្រំប្រទល់ស្រុកបាទី ខេត្តតាកែវ បានសាងសង់ចេញជារូបរាងបណ្តើរៗហើយ។
សូមបញ្ជាក់ថា៖ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មការរៀបចំទីតាំងគម្រោងសាងសង់អាកាសយានដ្ឋានអន្តរជាតិភ្នំពេញថ្មី នៅព្រឹកថ្ងៃពុធ ១៣កេីត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែមិថុនា ឆ្នាំ២០២០ មី បានអញ្ជើញចុះពិនិត្យវឌ្ឍនភាពនៃការសាងសង់អាកាសយានដ្ឋានអន្តរជាតិភ្នំពេញថ្មីនោះ។
សកម្មភាពសាងសង់បានដំណើរការជាបណ្តើរៗ អាចនឹងធ្វើឱ្យមានអភិវឌ្ឍន៍ នៅតំបន់នោះកាន់តែរីកចម្រើន ហើយអាកាសយានដ្ឋានអន្តរជាតិភ្នំពេញថ្មីនេះ មានលក្ខណៈស្តង់ដារទំនើប៕
...
ដោយ៖ សិលា
