ភ្នំពេញ៖ រថយន្តកូរេ១គ្រឿង ខណៈកំពុងបើកឆ្លងជិតផុតទៅហើយ ស្រាប់តែមានរថយន្តដឹកដី១គ្រឿងប្រភេទយីឌុបដាច់ហ្វ្រាំងក៏ជ្រុលទៅបុកត្រូវចំហៀងខាងឆ្វេងផ្នែកខាងក្រោយពេញទំហឹងបណ្តាលឲ្យខូចខាត តែសំណាងល្អ អ្នកបើកបរមិនរងរបួស ។
គ្រោះថ្នាក់នេះបានកើតឡើងកាលពីវេលាម៉ោង០៣និង៤០នាទីរសៀល ថ្ងៃទី២២ ខែមករា ឆ្នាំ២០១៦ នៅផ្លូវហាណូយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
អ្នកបើករថយន្តកូរ៉េបានអោយដឹងថា នៅមុនពេលកើត រូបគាត់បានបើករថយន្តម៉ាក kia ពណ៍ទឹកបុិច ពាក់ស្លាកលេខ ភ្នំពេញ 2AF4458 តាមបណ្តោយផ្លូវដីថ្មី ក្នុងទិសដៅពីលិចទៅកើត គោលបំណងឆ្លងផ្លូវ ពេលបើកឆ្លងជិតផុត ក៏មានរថយន្តដឹកដី១គ្រឿងទៀតប្រភេទយីឌុប ដែលមានម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ 3A 9090 បើកបរក្នុងទិសដៅពីជើងទៅត្បូងក្នុងល្បឿនលឿន ហើយបានដាច់ហ្វ្រាំង ក៏ជ្រុលទៅបុកនឹងរថយន្តកូរ៉េពេញទំហឹងបណ្តាលអោយរងការខូចខាតផ្នែកខាងក្រោយចំហៀងខាងឆ្វេង តែសំណាងល្អមិនរងគ្រោះថ្នាក់ដល់អាយុជីវិត។
ក្រោយពេលកើតហេតុ នគរបាលជំនាញចរាចរណ៍ខណ្ឌសែនសុខបានចុះវាស់វែង និងយករថយន្តទាំង២គ្រឿងយកទៅរក្សាទុកនៅអធិការដ្ឌានខណ្ឌសែនសុខដើម្បីដោះស្រាយនៅពេលក្រោយ ៕
ដោយ៖ តុង សីហា
