ខេត្ដរតនគិរី៖ កម្លាំងរដ្ឋបាលព្រៃ ឈើបកែវបានចុះល្បាតប្រទះឃើញជា បន្ដបន្ទាប់នូវគំនរឈើសុក្រំឡាំងបួន ជ្រុងមានមុខកាត់២០ទៅ៣០ឃ្លុំនិងមាន ប្រវែង៣ទៅ៤ម៉ែត្រដែលឈ្មួញធ្វើសកម្មភាពប្រមូលឈើទាំងនោះមកលាក់ទុក ជាច្រើនកំណាត់នៅក្នុងព្រៃ ។
អាជ្ញាធរស្រុកអូរយ៉ាដាវសហការជាមួយកងកម្លាំងប្រដាប់អាវុធទាំង៣ ប្រភេទដឹកនាំដោយលោកឡេង យុគ នាយផ្នែករដ្ឋបាលព្រៃឈើបាននាំកម្លាំងចុះល្បាតកាលពីថ្ងៃទី២៣ ខែមករា ឆ្នាំ២០១៦ តាមភូមិសាស្ដ្រមួយចំនួន នៅក្នុងស្រុកអូរយ៉ាដាវក៏បានប្រទះឃើញគំនរឈើលេខ១នោះជាច្រើនកំណាត់សុទ្ធសឹងជាប្រភេទឈើ សុក្រំ ឡាំងបួនជ្រុង តែម្ដង ស្ថិតនៅភូមិតេនឃុំយ៉ាទុង ស្រុក អូរយ៉ាដាវ ខេត្ដរតនគិរី ។ តាមការវាស់ វែងឈើលេខ១ដែលត្រូវដកហូតបាន នោះមានចំនួន១៥០ដុំស្មើនឹង៤១.០៦៨ ម៉ែត្រគូប(មុខកាត់២០ទៅ៣០ឃ្លុំនិង ប្រវែង៣ទៅ៤ម៉ែត្រ) ដោយបានដឹក ជញ្ជូនមកទុកនៅក្នុងបរិវេណស្នាក់ការ ផ្នែកបកែវ ។ បច្ចុប្បន្នឈើទាំងអស់នេះ លោកបានដឹកជញ្ជូនយកមករក្សាទុកនៅផ្នែករដ្ឋបាលព្រៃឈើបកែវ ។
បើតាមប្រភពពីប្រជាពលរដ្ឋដែល រស់នៅតាមតំបន់ជិតក្រុមហ៊ុនមួយចំនួនក៏បានបង្ហើបថានៅក្នុងក្រុមហ៊ុនទាំង នោះភាគច្រើនសុទ្ធសឹងជាក្រុមហ៊ុន ដែលធ្វើជំនួញបទល្មើសព្រៃឈើក្រោម លេសវិនិយោគអភិវឌ្ឍន៍វិស័យដំណាំ កសិឧស្សាហកម្មហើយក៏បានប្រព្រឹត្ដបទ ល្មើសព្រៃឈើយ៉ាងរង្គាលផងដែរ ។
លើសពីនេះក្រុមហ៊ុនទាំងនេះថែម ទាំងដឹកជញ្ជូនឈើតាមរថយន្ដយីឌុប មួយជើងៗរាប់សិបគ្រឿងលើសទម្ងន់ បង្កការបាក់ស្រុតផ្លូវលំនិងផ្លូវជាតិស្ពានទៀតផងដោយមិនគោរពទៅតាមការ វិនិយោគនោះឡើយ ៕
ដោយ៖ អ៊ុច សាវុទ្ធ
