រដ្ឋមន្ត្រីក្រសួងមហាផ្ទៃឥណ្ឌា លោក Amit Shah និង អភិបាលក្រុងញូវដេលី​លោក Delhi Arvind Kejriwal នៅថ្ងៃទី ២៨ខែមិថុនា បានទៅត្រួតពិនិត្យ​មជ្ឈមណ្ឌុល ព្យាបាលជំងឺកូវីដ១៩ បណ្តោះអាសន្ន​ Sardar Patel ដែលមានគ្រែពេទ្យព្យាបាលដល់ទៅ​១ម៉ឺននាក់ បានសាងសង់ឡើងនៅតំបន់Chhatarpurទីក្រុង Delhi។
មជ្ឈមណ្ឌលព្យាបាលកូវីដ​១៩ Sardar Patel ជាទីតាំងព្យាបាល​ជំងឺកូវីដ​ធំបំផុតនៅលើពិភពលោក ។ ពេលនេះ មានគ្រែពេទ្យ​ចំនួន​២ពាន់បានត្រៀមរួចរាល់ដើម្បី​ទទួលអ្នកជំងឺ​។
តាមសារព័ត៌មាន​Hindustan Times បានផ្សាយថា រដ្ឋាភិបាលទីក្រុង ញូវដេលី​ បានផ្តល់សិទ្ធឲ្យអង្គការក្រៅរដ្ឋាភិបាល Radha Soami Satsang Beas ជាអ្នកសាងសង់ មជ្ឈមណ្ឌុលខាងលើ​ ដែលមានទំហ៊ុំធំជាង​ពហុកីឡដ្ឋានដល់ទៅ​២២​ដង​។ ទីតាំងនោះ សម្រាប់ព្យាបាលអ្នកជំងឺ​កូវីដ​១៩​កម្រិតស្រាលនិងមធ្យម​។
ក្រៅពីនេះ​រដ្ឋាភិបាល ទីក្រុងញូវដេលី បានបង្កើតចំនួនគ្រែពេទ្យ​នៅមន្ទីរពេទ្យបណ្តោះអាសន្ន​ នៅសណ្ឋាគារចំនួន​៤០​ និងអាគារសម្រាប់ពិធីជប់លៀង​៧៧កន្លែង​ អាចដាក់គ្រែពេទ្យបានដល់ទៅ​15.800 គ្រែ។
មិនតែប៉ុណ្ណោះ សូម្បីតែ ទូរថភ្លើង​ចំនួន​៥០​ក៏ត្រូវធ្វើជាទីតាំងសម្រាប់ព្យាបាលកូវីដ​១៩ផងដែរ​។
នៅថ្ងៃទី​២៨ខែមិថុនា ឥណ្ឌាមានអ្នកឆ្លងកូវីដ​១៩​ ដល់ទៅ 19.906 នាក់ ក្នុងរយៈពេល​២៤ម៉ោង​ ធ្វើឲ្យចំនួនអ្នកឆ្លងសរុបនៅឥណ្ឌាកើនឡើងដល់ទៅ528.859 នាក់ ក្នុងនោះមានអ្នកស្លាប់16.095 នាក់ ៕