ភ្នំពេញ៖ មេកន្ទុយលេខ នៅក្នុងផ្សារបុរីសន្តិភាព២ ដែលមានទីតាំងស្ថិតនៅភូមិដំណាក់ត្រយឹងសង្កាត់ចោមចៅខណ្ឌពោធិ៍សែនជ័យ បានរីកដុះដាលព្រោងព្រាត កាន់តែច្រើនឡើង គួរឱ្យកត់សំគាល់ ដោយគ្មានខ្លាចញញើត និងច្បាប់ឡើយ ខណ:ដែលមិនមានសមត្ថកិច្ច ឬអាជ្ញាធរបង្ក្រាប ។
ពលរដ្ឋរិះគន់ផងដែរក្នុង ការបង្ក្រាប របស់សមត្ថកិច្ច លើ មេឆ្នោត ហាក់បីដូចជា ចាប់នាំទៅគៀប យកទឹក ដូចគៀបទឹកអំពៅ តែឥឡូវមេទាំងនោះបានស្គាល់សមត្តកិច្ចពេលត្រលប់មកវិញ បើកកាន់តែច្រើនលើសដើមថែមទៀត ។
ជាក់ស្តែង តូបក្នុងផ្សារបូរីសន្តិភាព2 ឃើញថាដាក់តុកត់កន្ទុយលេខ ជាចំហរ មិនខ្លាចញញើត ច្បាប់ ឬសមត្ថកិច្ច អាជ្ញាធរ សង្កាត់ខណ្ឌ ដែលល្បីខាងបង្ក្រាបបនល្បែង តែមេឆ្មោត អត់ហ៊ានចេញមុខទៅបង្ក្រាបឡើយ រហូតដល់ពលរដ្ឋ ដាក់ការសង្ស័យ ទៅលើ អាជ្ញាធរ -សមត្ថកិច្ច ជាបងធំ កាងនៅពីក្រោយ មេល្បែងនេះ ទើបបានជាមិនហ៊ានបង្ក្រាប ឬអត់ភ្នែកមើលបានជា ធ្វើមិនដឹងមិនឮ មើលមិនឃើញដូច្នោះ ។
ពលរដ្ឋបានឱ្យដឹងទៀតថា មិនមែនមានតែផ្សារបូរី៎សន្តិភាព2 មួយនេះទេដែល មានមេឆ្នោតព្រោងព្រាតនោះ មានគ្រប់ផ្សារទាំងអស់នៅ ទូទាំងក្នុងខណ្ឌពោធិ៍សែនជ័យទៅហើយ បើប្រៀបធៀបទៅនឹងតូបលក់ដូរផ្សេងៗនោះ ឃើញថា តូបកត់កន្ទុយលេខច្រើនជាង ហើយពលរដ្ឋ ទន្ទឹងរងចាំមើល ពេលណា ទើបលោកអភិបាលខណ្ឌ ហែម ដារិទ្ធ និងលោក យឹម សារ៉ាន់ អធិការខណ្ឌពោធិ៍សែនជ័យ ចេញបញ្ជាទៅបង្ក្រាបមេកន្ទុយលេខ កាលបើពលរដ្ឋនិយាយតៗគ្នា អត់មាន ខាងណាចេញមុខទៅបង្ក្រាបទេ បែបនេះធ្វើឲ្យ មេឆ្នោតទាំងនោះ សប្បាយទៅនឹងរបរបើកកត់ឆ្នោតយ៉ាងគគ្រឹកគគ្រេង ៕
ដោយ៖ សុខាសែនជ័យ
