ភ្នំពេញ៖ អភិបាលរាជធានីភ្នំពេញ លោក ប៉ា សុជាតិវង្ស និងលោក គូម៉ាម៉ារ៉ូ យូជិ(kuma maru yuji) ឯកអគ្គរដ្ឋទូតជប៉ុនប្រចាំកម្ពុជា នៅព្រឹកថ្ងៃទី២៧ ខែមករា ឆ្នាំ២០១៦ បានអញ្ជើញជាអធិបតីភាព ក្នុងពិធីបញ្ចុះបឋមសិលាសាងសង់អគារសិក្សា ចំនួន៤ខ្នង ស្មើនិង៧៦ បន្ទប់ ស្ថិតនៅអនុវិទ្យាល័យ ទឹកល្អក់ ក្នុងទឹកល្អក់ទី៣ ខណ្ឌទួលគោក ជួនដល់អនុវិទ្យាល័យចំនួន៤ នៅរាជធានីភ្នំពេញ រួមមាន អនុវិទ្យាហ៊ុនសែន ពោធិ៍ចិនតុង ,អនុវិទ្យាល័យបូរី១០០ខ្នង ,អនុវិទ្យាល័យចំរើនផល, និងអនុវិទ្យាល័យទឹកល្អក់ ក្រោមគម្រោងពង្រីកសាលាមធ្យម សិក្សា នៅរាជធានីភ្នំពេញ ដែលជាជំនួយ ឥតសំណងរបស់រដ្ឋាភិបាលជប៉ុន ក្នុងរង្វង់ទឹក ប្រាក់ជាង២លានដុល្លារអាមេរិក។
លោក ប៉ា សុជាតិវង្ស បានបញ្ជាក់ថា គម្រោងពង្រីកសាលាមធ្យមសិក្សសានៅរាជធានីភ្នំពេញ វគ្គមួយ មានអគារសិក្សាចំនួន ៤ខ្នង ត្រូវនឹង៧៦បន្ទប់ សង់នៅក្នុងវិទ្យាល័យ និងអនុវិទ្យាល័យចំំនួន៤ ក្រោមហិរញ្ញប្បទានឥតសំណងរបស់រាជរដ្ឋាភិបាលជប៉ុន ដោយចំណាយថវិកាអស់ចំនួន២លានដុល្លារ ។
លោក ប៉ា សុជាតិវង្ស បានបញ្ជាក់ថា វិស័យអប់រំនៅរាជធានីភ្នំពេញ នៅឆ្នាំសិក្សា២០១៥-២០១៦នេះ មានសាលាមត្តេយ្យសិក្សាចំនួន២៤សាលា ,ថ្នាក់មត្តេយ្យក្នុងបឋមសិក្សា១២៨សាលា ,មត្តេយ្យសហគមន៍២០កន្លែង ការអប់រំកុមារតូចតាមផ្ទះ១៨ភូមិ និងមត្តេយ្យឯកជន១៦៨សាលា មានសិស្សសរុប៣១០៤៦នាក់។ សាលា បឋម សិក្សាចំនួន១៦៤ សិស្សសរុប១៣៥៨៣៧ នាក់, អនុវិទ្យាល័យ៣២ សិស្ស ១២៨ ៩៩នាក់, វិទ្យាល័យចំនួន ៣៤ សិស្ស ៧០៧ ២៧នាក់។
ក្នុងឱកាសនោះដែរ លោក ក៏បានអំពាវនាវដល់ លោកគ្រូអ្នក គ្រូ សិស្សានុសិស្សទាំង នៅសាលាមត្តេយ.អនុវិទ្យាល័យ និងវិទ្យាល័យ ត្រូវធ្វើការអប់រំ កូនសិស្ស របស់ខ្លួន ឲ្យបានល្អ និងដាក់វិន័យឲ្យបានតឹងរឹង បំផុត ជៀសវាង កុំឲ្យពួកគេទៅប្រព្រឹត្ដិ សេពគ្រឿងញៀន គ្រឿងស្រវឹង ដែលនាំឲ្យខូច ខ្លួនធ្លាក់ក្នុងអំពើអបាយមុខ បាត់បង់អនាគត ហើយលោកក៏បានអំពាវនាវដល់សិស្សានុសិស្សឲ្យគោរពច្បាប់ចរាចរណ៍ ត្រូវចូលរួមគោរព្ធតាមអនុសាសន៍របស់សម្ដេច ហ៊ុនសែន ថ្ងៃនេះថ្ងៃស្អែក កុំឲ្យជួបគ្រោះថ្នាក់ចរាចរណ៍។
លោក គូម៉ាម៉ារ៉ូ យូជិ ឯកអគ្គរដ្ឋទូតជប៉ុនប្រចាំកម្ពុជា បានបញ្ជាក់ថា៖ រាជរដ្ឋាភិបាលជប៉ុន ក៍ដូចជាប្រជាជនជប៉ុនទាំងអស់ បានបើក ឃើញពីតម្រូវការចាំបាច់ និងមានសំណូមពរពីអាណាព្យា លោកគ្រូ អ្នកគ្រូ សិស្សានុសិស្ស ឲ្យផ្ដល់នូវ អគារសិក្សា ដែលកំពុង មានការខ្វះខាតអាគាសិក្សាយ៉ាង ខ្លាំងនោះ ទើបរាជរដ្ឋាភិបាលជប៉ុនសម្រេច ផ្ដល់នូវជំនួយឥតសំណង អាគាសិក្សាចំនួន៨ ខ្នងស្មើនិង១៥២បន្ទប់ ជូនដល់អនុវិទ្យាល័យចំនួន៨ នៅរាជធានីភ្នំពេញ ដោយគ្រោងចំណាយថវិកាអស់ចំនួន៤លានដុល្លារ សម្រាប់ឆ្នាំសិក្សា ២០១៥ ឆ្នាំ២០១៦ នេះ ។ ឯកឧត្ដម បន្ដថា៖ ជាក់ស្ដែងនៅចំពោះមុខ ជាជំហានទី១ នេះយើង បើកការដ្ឋាន សាងសង់អគារសិក្សាចំនួន ៤ខ្នង ស្មើនិង៧៦បន្ទប់ជូនដល់អនុវិទ្យាល័យចំនួន៤ នៅរាជធានីភ្នំពេញ សិនបន្ទាប់ មកយើងនិង បន្ដបើកការដ្ឋានពង្រីកសាលា ជូនដល់អនុវិទ្យាល័យចំនួន៤ទៀត គឺស្ថិតនៅក្នុងជំហានទី២ បន្ទាប់បញ្ចប់គម្រោងទី១នេះទៅ ៕
ដោយ៖ សំរិត
