ប្រេស៊ីលមានអ្នកឆ្លងវវីរុស Zika ដល់ទៅ៣.៨០០នាក់

ចែករំលែក៖

អង្គការសុខភាពពិភពលោក WHO បានស្រាវជ្រាវពីការពាក់ព័ន្ធរវាងវីរុសZika និងជំងឺស្វិតក្បាលនៅប្រេស៊ីល បណ្ដាលឱ្យកុមារមានខួរក្បាលនឹងក្បាលតូចជាងធម្មតា។ អ្នកនាំពាក្យ WHO លោក Christian Lindmeier បាន ប្រកាសឱ្យដឹងថា មានកុមារជាង៣.៨០០ នាក់មានជំងឺស្វិតក្បាលនៅប្រេស៊ីលក្នុងនោះមាន៤៩នាក់បានស្លាប់។ មនុស្ស ជាច្រើនបានហៅវីរុស zika ជាវីរុស ស៊ីខួរក្បាលមនុស្ស ។

se (1)

ក្រសួងសុខាភិបាលអាមេរិកបាន ប្រកាសអាសន្នដល់អ្នកទេសចរជនជាតិអាមេរិកកុំឱ្យទៅប្រទេសប្រេស៊ីលទាំង២២ដែលមានវីរុសស៊ីខួរក្បាលមនុស្សកំពុង តែរាលដាល ពិសេសគឺស្ដ្រីមានផ្ទៃពោះ ជាដាច់ខាត ។

ក្រៅពីប្រទេសនៅក្នុងតំបន់អាហ្វ្រិក អាស៊ីប៉ាស៊ីហ្វិកក៏មានករណីឆ្លងវីរុស ឍិកានេះដែរ។ បច្ចុប្បន្នប្រទេសដែល មានវីរុសខាងលើឆ្លងរាលដាលមានដូចជាប្រទេស Barbados, Bolivia, Ecua-dor, Guadeloupe, Saint Martin, Guyana, Cape Verde និង Samoa ។ អាមេរិកបានស្នើដល់ពលរដ្ឋរបស់ខ្លួនក៏ដូចជាពលរដ្ឋប្រទេសដទៃទៀតចៀសវាង ទៅទេសចរណ៍នៅទីនោះ ។

ក្រសួងសុខាភិបាលអាមេរិកបានស្នើដល់ស្ដ្រីមានផ្ទៃពោះមិនត្រូវទៅកម្សាន្ដ នៅក្នុងប្រទេសដូចជា Puerto Rico, Brazil, Colombia, El Salvador, Guia -na, Guatemala, Haiti, Honduras, Martinique, Mexico, Panama, Para-guay, Suriname និង Venezuela ដោយ សារតែនៅទីនោះវីរុស Zika កំពុងតែ រាលដាល។ ជម្ឈមណ្ឌលគ្រប់គ្រងជំងឺ ឆ្លងបានឱ្យដឹងថា ឪសត្វមូសដែលចម្លង ជំងឺខាងលើតែងតែខាំ អ៊ុច មនុស្សនៅ ពេលថ្ងៃបើទោះយើងនៅក្នុងផ្ទះឬក្រៅផ្ទះក៏ដោយ ។ នៅពេលនេះមិនទាន់មាន វ៉ាក់សាំងប្រឆាំងវីរុស Zika នៅឡើយ ទេ។ វីធីសាស្ដ្រដែលល្អបំផុតនោះគឺ ទប់ស្កាត់មូសខាំតែប៉ុណ្ណោះ។ អការៈឆ្លង វីរុសនោះមានដូចជាក្ដៅរងា ឡើងក្រហម ឈឺក្បាល ក្រហមភ្នែកជាដើម។

នៅក្នុងទ្វីបអាស៊ីវិញលើកោះតៃវ៉ាន់មានករណីឆ្លងវីរុសឍិកាដំបូងគេបង្អស់គឺជាបុរសជនជាតិថៃអាយុ២៤ឆ្នាំដែលកំពុងតែធ្វើការនៅលើកោះតៃវ៉ាន់ ៕