បណ្តាប្រទេសដែលមានសេដ្ឋកិច្ចខ្ពស់ និងកំពុងអភិវឌ្ឍន៍ត្រូវបានអូសទាញចូលក្នុងសង្គ្រាម បច្ចេកវិទ្យារវាងអាមេរិកនិងចិន បង្ខំឲ្យប្រទេសទាំងនោះត្រូវតែជ្រើសរើស បក្ខពួកដើម្បីភាពស្ថិតស្ថេររបស់ខ្លួន។
ពេលនេះ TikTok គឺជា ស្ថាប័នរងគ្រោះថ្មីនៅក្នុងសង្គ្រាមបច្ចេកវិទ្យា។ បណ្តាញប្រើប្រាស់TikTokគឺជារបស់ក្រុមហ៊ុនចិនប៉ុន្តែ ប្រធានប្រតិបត្តិគឺជាជនជាតិអាមេរិក។ ការវាយប្រហារទៅលើTikTok ធ្ងន់បំផុត គឺកាលពីខែមុនដែលឥណ្ឌា បានសម្រេចហាមប្រាម ហើយពលរដ្ឋឥណ្ឌាឈប់ប្រើប្រាស់ បណ្តាញកម្សាន្តTikTok ក្រោយមានការប៉ះទង្គិចគ្នានៅព្រំដែន បណ្តាលឲ្យ ទាហានឥណ្ឌា២០នាក់ស្លាប់។ បន្ទាប់មកអាមេរិក បិទTikTok ដោយសារតែគំរាមកំហែងដល់សន្តិសុខជាតិ។ ការបិទTikTokជាការសងសឹកដល់ ចិនដែលបានអនុម័តច្បាប់សន្តិសុខនៅហុងកុង។
សង្គ្រាមបច្ចុប្បន្នរវាងមហាអំណាចសេដ្ឋកិច្ចទាំងពីរបានបង្ហាញយ៉ាងច្បាស់ពីបញ្ហាខាងលើ។ អាមេរិកចិនកំពុងតែប្រជែងគ្នា ក្នុងវិស័យបច្ចេកវិទ្យា តាំងពីបណ្តាញសេវាអត់ខ្សែជំនន់ទី៥ 5G រហូតដល់បច្ចេកវិទ្យាផ្សេងទៀតជាច្រើន…ទាំងអវកាសផងដែរ។
សង្គ្រាមរវាងមហាអំណាចទាំងពីរ លើវិស័យពាណិជ្ជកម្ម និងបច្ចេកវិទ្យា បានបង្ខំឲ្យប្រទេសនៅជុំវិញពិភពលោក ត្រូវតែសម្រេចជ្រើសរើស បក្ខពួកដើម្បីអភិវឌ្ឍន៍ខ្លួនទៅមុខ។ ជាក់ស្តែង ក្រុមហ៊ុន ហួវៃ ប្រទេសខ្លះក៏ដើរតាមអាមេរិក ចំណែកប្រទេសខ្លះទៀតក៏ដើរតាមចិន៕
