ភ្នំពេញ៖ ចាប់ពីដើមឆ្នាំ២០១៦ រហូតដល់ពេលនេះថ្ងៃទី២៨ ខែមករា ឆ្នាំ ២០១៦ បើនិយាយពីបទល្មើសលួច ឆក់ ប្លន់ នៅក្នុងរាជធានីភ្នំពេញក៏ដូចនៅ តាមបណ្ដាខេត្ដមួយចំនួនបានកក្រើក ឡើងដ៏គួរឱ្យចាប់អារម្មណ៍ហើយក្នុង ករណីទាំងនោះបានបណ្ដាលឱ្យជនរងគ្រោះ ខ្លះរងរបួសធ្ងន់ និងខ្លះបានបាត់បង់អាយុ ជីវិតហើយទ្រព្យសម្បត្ដិក៏បាត់បង់ផង ដែរ ។
បើទោះជាករណីទាំងអស់នេះសមត្ថ កិច្ចគ្រប់លំដាប់ថ្នាក់បានខិតខំពង្រឹងនិង ទប់ស្កាត់តាមបណ្ដាគោលដៅក៏នៅក្នុង មូលដ្ឋានហាក់បីដូចជាមិនទាន់មាន ប្រសិទ្ធភាពនៅឡើយ ។ ជាក់ស្ដែងកាល ពីព្រឹកថ្ងៃទី២៨ ខែមករា ឆ្នាំ២០១៦ មានករណីវាយប្លន់ក្នុងផ្ទះយកលុយនិង ទ្រព្យសម្បត្ដិរបស់ជនរងគ្រោះអស់ជាង ១ម៉ឺនដុល្លារ ខណៈប្ដីនាងបានដឹកកូនស្រី ទៅដាក់សាលា ហើយត្រូវជនមិនស្គាល់ មុខលបចូលទៅចាប់សក់ជនរងគ្រោះ បោកខ្ទប់នឹងឥដ្ឋបណ្ដាលឱ្យសន្លប់ ។
ភាពភ្ញាក់ផ្អើលខាងលើនេះបានកើត ឡើងវេលាម៉ោង៧និង២០នាទីព្រឹក ថ្ងៃទី ២៨ ខែមករា ឆ្នាំ២០១៦ ស្ថិតនៅផ្ទះ លេខ៩៣២ តាមបណ្ដោយផ្លូវជាតិលេខ ៥ ក្នុងក្រុមទី២ ភូមិមិត្ដភាព សង្កាត់-ខណ្ឌឫស្សីកែវ ។
ស្ដ្រីរងគ្រោះជនរងគ្រោះត្រូវបានគេ ស្គាល់ឈ្មោះចាយ សុគន្ធ អាយុ៣៣ឆ្នាំ មានមុខរបរជាអ្នកលក់ពួក ស្នាក់នៅ ផ្ទះកើតហេតុខាងលើ និងប្ដីឈ្មោះហោ រ៉ាវី មានកូននៅក្នុងបន្ទុក២នាក់ ។
បើតាមសម្ដីស្ដ្រីរងគ្រោះបានរៀប រាប់ឱ្យដឹងថា មុនពេលកើតហេតុប្ដីរបស់ គាត់បានដឹកកូនស្រីទៅដាក់សាលាដោយ ក្នុងផ្ទះនោះមានតែគាត់និងកូនតូចម្នាក់ ទៀតកំពុងរៀបចំកន្លែងដេកឱ្យបានរៀប រយ ។ លុះមួយសន្ទុះក្រោយមកមិនដឹង មានបុរសម្នាក់មកពីណាបានលបចូល មកក្នុងផ្ទះរបស់គាត់រួចយកដៃចាប់សក់ បោកខ្ទប់ទៅនឹងឥដ្ឋដែលដំបូងឡើយគាត់ ស្មានតែប្ដីធ្វើលេងក៏ក្រឡេកមើលមុខ ជននោះក៏បានចាប់បោកជាច្រើនដង បណ្ដាលឱ្យគាត់សន្លប់លែងដឹងខ្លួន ។
ប្រភពខាងលើបានឱ្យដឹងទៀតថា ខណៈស្ដ្រីរងគ្រោះលែងដឹងខ្លួនជនល្មើស បានកកូរកកាយរើនៅក្នុងបន្ទប់យកលុយ ជាង៦ពាន់ដុល្លារនិងគ្រឿងអលង្ការមួយចំនួនគេចខ្លួនបាត់តែម្ដង ។
ស្ដ្រីរងគ្រោះបាននិយាយថា សម្ភារ ដែលបាត់បង់មានប្រាក់ដុល្លារជាង៦ពាន់ ដែលម្រាប់វេរឱ្យថ្លៃទំនិញគេ ហើយ របស់របរគាត់មានខ្សែកមាស២ខ្សែជិត ១តម្លឹង ខ្សែដៃ ចិញ្ចៀន និងក្រវិលក៏ជន នោះយកទៅដែរ ។ នៅកន្លែងកើតហេតុ គេបានឃើញសមត្ថកិច្ចក៏ដូចជាកងរាជ អាវុធខណ្ឌបានចុះទៅដល់ទីតាំងពិនិត្យ ក្នុងផ្ទះជនរងគ្រោះនិងសួរនាំពីភិនភាគ ជនល្មើសដើម្បីស្រាវជ្រាវចាប់ខ្លួននៅ ពេលក្រោយ ៕
ដោយ៖ អរុណរះ
