ខេត្ដកំពង់ស្ពឺ៖ យុវជនម្នាក់បានស្លាប់ ភ្លាមៗខណៈទៅពន្លត់ភ្លើងឆេះព្រៃជាមួយ អ្នកភូមិឯទៀតដោយខ្មាន់កាំភ្លើងមិន ស្គាល់អត្ដសញ្ញាណបាញ់រះ ។
ករណីនេះកើតឡើងកាលពីវេលា ម៉ោង៧និង៤០នាទីយប់ថ្ងៃទី២៧ ខែ មករា ឆ្នាំ២០១៦ នៅចំណុចពាមអន្ទង់ ភូមិទី១ ឃុំត្រែងត្រយឹង ស្រុកភ្នំស្រួច ខេត្ដកំពង់ស្ពឺ ។ យុវជនរងគ្រោះឈ្មោះ ជា ដាវីត ភេទប្រុស អាយុ១៥ឆ្នាំ មានទីលំ នៅភូមិអណ្ដូង សង្កាត់គោករកា ខណ្ឌ សែនសុខ រាជធានីភ្នំពេញ ។
សមត្ថកិច្ចនគរបាលស្រុកភ្នំស្រួច ស្រង់សម្ដីសាក្សីឱ្យដឹងថា មុនពេលកើត ហេតុគឺមានភ្លើងឆេះព្រៃពួកគាត់(ជន រងគ្រោះ)៥នាក់បាននាំគ្នាទៅពន្លត់ភ្លើងនោះ តែនៅពេលដែលទៅដល់កំពុងនាំ គ្នាពន្លត់ភ្លើងកុំឱ្យឆេះរាលដាលក៏ឮ សំឡេងកាំភ្លើងផ្ទុះឡើងព្រមគ្នាចំនួន៦ គ្រាប់ចេញពីក្នុងព្រៃ ស្រាប់តែឃើញ ជនរងគ្រោះប្រកាច់ចេញឈាមជោកដី ក៏នាំគ្នាសែងយកមកភូមិហើយរាយ ការណ៍ឱ្យសមត្ថកិច្ចតែម្ដង ។
ក្រោយកើតហេតុសមត្ថកិច្ចនគរ បាលនិងកងរាជអាវុធហត្ថដោយមាន វត្ដមានលោក*អ៊ូ សំអូន អភិបាលខេត្ដ ផងដែរបានចុះទៅដល់កន្លែងកើតហេតុ ទាំងយប់ ។
លោកអភិបាលខេត្ដបានផ្ដល់ថវិកាក៏ ដូចជាចូលបុណ្យសពចំនួន១០០ដុល្លារ។ នៅព្រឹកថ្ងៃទី២៨ ខែមករា ឆ្នាំ២០១៦ សមត្ថកិច្ចជំនាញបានចុះធ្វើកោសល្យ វិច័យពិនិត្យសាកសពនិងបានធ្វើលិខិតឱ្យឪពុកម្ដាយទទួលយកទៅធ្វើបុណ្យតាម ប្រពៃណី ។
មជ្ឈដ្ឋានប្រជាពលរដ្ឋមូលដ្ឋានខ្លះ បានលើកឡើងថា ការដែលមានការ បាញ់សម្លាប់បែបនេះក៏ព្រោះតែជនរង គ្រោះនិងអ្នកដទៃទៀតបាននាំគ្នាមកសង់ លំនៅឋានលើដីចម្ការរបស់អ្នកដទៃ ទើបមានរឿងបែបនេះកើតឡើង ។ តែ មជ្ឈដ្ឋានខ្លះទៀតលើកឡើងថាបើទោះជា យ៉ាងណាក៏ដោយក៏ត្រូវអនុវត្ដតាមផ្លូវ ច្បាប់មិនមែនចេះតែបាញ់សម្លាប់ មនុស្សទាំងកំរោលបែបនេះទេ ។ ទោះ ជាជនរងគ្រោះមកសង់លំនៅឋានលើដី អ្នកណាក៏ដោយក៏ត្រូវដោះស្រាយគ្នា តាមផ្លូវច្បាប់ដែរ ។ នេះជាអំពើឃោរ ឃៅព្រៃផ្សៃបំផុតដែលមិនអាចទទួល យកបានឡើយ ។ ក្នុងនោះប្រជា*ពលរដ្ឋ ក៏សូមសំណូមពរទៅអាជ្ញាធរសមត្ថកិច្ចមេត្ដាស្រាវជ្រាវរកជនដៃដល់ឱ្យឃើញនិងចាប់ខ្លួនយកមកផ្ដន្ទាទោសឱ្យខាងតែបាន ។
លោកអនុសេនីយ៍ទោ ប្រាក់ ប៊ុនឡៃ នាយប៉ុស្ដិ៍ត្រែងត្រយឹងបានឱ្យដឹងថា ជន រងគ្រោះរងការបាញ់ប្រហារដោយអាវុធចំនួន២គ្រាប់ត្រូវចំច្រមុះស្ដាំធ្មេញមុខ ខាងលើ និងភ្នែកឆ្វេង ៕
ដោយ៖ សេនាស័ក្ដិ
