ខេត្តបាត់ដំបង៖ លោកឧត្តមសេនីយ៍ទោ ស ថេត ស្នងការនគរបាលខេត្តបាត់ដំបងបានប្រកាសដក លោកអធិការនគរបាលស្រុកកំរៀង លោកវរសេនីយ៍ត្រី ផាន់ ចាន់ណារ៉ា ចេញពីតំណែង ក្រោយពីមានអំពើប្លន់ប្រដាប់អាវុធទៅលើម្ចាស់ផ្ទះលក់អីវ៉ាន់ចាប់ហួយមួយកន្លែងនៅស្រុកកំរៀងហើយ ចោរប្លន់ បាញ់ រះម្ចាស់ផ្ទះ ស្លាប់ម្នាក់ និងវាយឱ្យរងបួសធ្ងន់៣នាក់ ប្លន់យកទ្រព្យ សម្បត្តិមួយ ចំនួនរត់គេចខ្លួនបាត់ កាលពីយប់ថ្ងៃទី២៧ ខែមករា ឆ្នាំ២០១៦។
ការប្រកាស ដកលោក អធិការនគរ បាលស្រុកកំរៀងពីសំណាក់លោកឧត្តមសេនីយ៍ទោ ស ថេត ស្នងការនគរបាល ខេត្តបាត់ដំបង បានធ្វើឡើងក្នុងកិច្ចប្រជុំមួយនៅស្នងការ ដ្ឋាននគរបាល ខេត្តបាត់ដំបង កាលពីព្រឹកថ្ងៃទី ២៨ ខែមករា ឆ្នាំ២០១៦ ស្តីពីការប្រជុំដាក់ផែន ការពង្រឹង សន្តិសុខទប់ស្កាត់ និងស្វែងរកបង្ក្រាប អំពើប្លន់ នៅខេត្តបាត់ដំបង ។ ការដកតំណែក លោកអធិការនោះដែរ ខណៈដែលមានអំពើប្លន់កើតឡើងនៅស្រុកកំរៀង លោកអធិ ការន គរបាលស្រុកំ រៀងរូប នោះ មិនបានបំពេញកិច្ចការងារជាកងកម្លាំង ប្រដាប់ អាវុធ មិនមានការ ទទួល ខុសត្រូវ នៅពេលកើតហេតុយប់ នោះមិននៅ ក្នុងមូល ដ្ឋានរបស់ ខ្លួន មកលេងក្រុង ប៉ោយប៉ែត នៅ ពេលលោក ស្នងការនិងស្នងការរងទំនាក់ទំនង ទូរស័ព្ទ ទៅសួរនាំអំ ពើប្លន់ នោះ គឺអធិការ រូបនោះឆ្លើយមិន រឿងអ្វីទាំងអស់។
លោកឧត្តម សេនីយ៍ ស្នងការ ក៏បាន បញ្ជាទៅខាងការិយាល័យបុគ្គលិកហៅលោកអធិការស្រុកកំរៀងរូបនោះមកសួរនាំថាតើទៅ ក្រុង ប៉ោយប៉ែត បានសុំច្បាប់អ្នក ណាហើយទៅ ក្រុងប៉ោយប៉ែតធ្វើអ្វី?។
លោកឧត្តមសេនីយ៍ ស ថេត ស្នងការនគរបាលខេត្តបាត់ដំបង ការប្រកាសដក លោកអធិការនគរបាលស្រុកកំរៀងគឺជាការប្រមានដល់ លោកអធិការនគរបាលស្រុកក្រុង មួយចំនួនទៀត បើធ្វើការងារមិនល្អ ជាពិសេស បញ្ហាកើតឡើងអំពើប្លន់ លើទឹកដី ស្រុក ក្រុងណា អធិការស្រុកក្រុងនោះនិងត្រូវដកតំណែងដូចគ្នាផងដ
សូមបញ្ជាក់ថា ការដកតំណែងលោកអធិការនគរបាល ស្រុកកំរៀងពីសំណាក់ លោកឧត្តម សេនីយ៍ ស ថេតស្នងការនគរបាលខេត្តបាត់ដំបង ត្រូវគេមើលឃើញថា ធ្វើឡើង ជា លើកដំបូង ក្នុងចំណោមស្រុកមួយចំនួនកើតឡើងអំពើប្លន់ ២ទី៣ករណី ចុងក្រោយនេះ នៅក្នុងខេត្តបាត់ដំបងគេមិនទាន់ឃើញសមត្ថកិច្ចបំបែកសំណុំរឿងក្រុមចោរប្លន់នៅឡើយ នោះទេ ។ គ្រាដែលសមត្ថកិច្ចកំពុងតែតាមដានស្រាវជ្រាវស៊ើបអង្កេតកំណត់មុខសញ្ញាក្រុមចោរប្លន់ទាំងនោះ ។
គួរបញ្ជាក់ថាបងប្អូននិងម្ចាស់ផ្ទះលក់អីវ៉ាន់ចាប់ហួយមួយកន្លែងស្ថិតនៅស្រុកកំរៀង ០១ស្លាប់និង៣នាក់ទៀតរងរបួសធ្ងន់ខណៈដែលមានក្រុមចោរប្រដាប់អាវុធ៥នាក់កាំភ្លើងវែងខ្លី៣ដើមបិតមុខចូលទៅប្លន់និងបាញ់រះ៨គ្រាប់ហើយវាយម្ចាស់ផ្ទះប្លន់យកទ្រព្យសម្បត្តិមួយចំនួនធំបានសម្រេចហើយក្រុមចោរប្លន់រត់គេចខ្លួនបាត់ខណៈដែលម្ចាស់ផ្ទះរងគ្រោះកំពុងជួបជុំបងប្អូនអង្គុយផឹក ស៊ីក្នុងបរិវេណផ្ទះ មិនទាន់បិទទ្វាររបងផ្ទះ កាលពីវេលាម៉ោង១០យប់ ថ្ងៃទី២៧ ខែមករា ឆ្នាំ២០១៦ នៅចំណុចភូមិអូរដាលើ ឃុំបឹងរាំង ស្រុកកំរៀងខេត្តបាត់ដំបង។
បើតាមប្រភពព័ត៌មានពីសមត្ថកិច្ចប្រាប់ឱ្យដឹងថា មុនពេលកើត ហេតុគេឃើញ ម្ចាស់ ផ្ទះនិងបងប្អូនមកពី ទីឆ្ងាយជួបជុំគ្នា ផឹកស៊ី នៅក្នុងបរិវេណផ្ទះប្រហែល៤ទៅ៥នាក់ ក៏ប៉ុន្តែ មិនបានចាក់សោរបងផ្ទះនោះទេ ។ លុះបន្តិចមកស្រាប់តែក្រុមចោរប្លន់៥នាក់មានកាំភ្លើងវែង ខ្លី៣ដើមនិងដែកស្បែង១ដើមដោយគេពុំបានដឹងពួកវាធ្វើមធ្យោបាយដោយអ្វីនោះទេបានដើរចូលទៅក្នុងបរិវេណផ្ទះជនរងគ្រោះនៅពេលនោះពួកវាបានភ្ជង់ និងគំរាមម្ចាស់ផ្ទះដែលកំពុងផឹកស៊ីចូលទៅក្នុងផ្ទះនៅពេលនោះម្ចាស់ផ្ទះរឹងរុះមិនព្រមធ្វើតាមក្រុមចោរប្លន់ក៏បានបាញ់រះគំរាមទៅលើជនរងគ្រោះម្ចាស់ផ្ទះនិងយកដែកស្បែងវាយម្ចាស់ផ្ទះថែមទៀតបណ្តាលឱ្យរងបួសធ្ងន់៣នាក់នៅពេលក្រុមចោរប្លន់ដើរចូលផ្ទះជនរងគ្រោះមានបុរសម្នាក់ដែលជាសាច់ញាតិម្ចាស់ផ្ទះចុះពីលើផ្ទះក៏ត្រូវចោរប្លន់បាញ់ចំដើមទ្រូងបណ្តាលឱ្យស្លាប់តែម្តង ។ ក្រុមចោរប្លន់ក៏បានប្រមូលទ្យសម្បត្តិនិងគ្រឿងអលង្ការរត់គេចខ្លួនបាត់។
ចោរប្លន់យកបានទ្រព្យសម្បត្តិតិចតួច ប៉ុណ្ណោះខ្លាចក្រែងសមត្ថកិច្ចមកទាន់។អំពើប្លន់នោះធ្វើឱ្យមានការភ្ញាក់ផ្អើលដល់អ្នកភូមិនោះដែរ ក៏ប៉ុន្តែគ្មានអ្នកណាចេញទៅជួយ ទប់ទល់ និងក្រុមចោរប្លន់នោះ ឡើយអ្នកភូមិ នៅក្បែរ នោះនាំគ្នាសម្ងំយ៉ាងស្ងៀមទាំងក្តីភិតភ័យបារម្មពីសុវត្ថិភាព។ លុះក្រោយពីអំពើប្លន់នោះហើយទើបគេឃើញសមត្ថកិច្ចបានចុះទៅដល់ទីកើតហេតុ ។ ដាក់ វិធានការតាមស្ទាក់ក្រុមចោរប្លន់ក៏ប៉ុន្តែរហូតមកដល់រសៀលថ្ងៃទី២៨ ខែមករា សមត្ថកិច្ច មិនទាន់បានកំណត់មុខសញ្ញានិងឃាត់ខ្លួនជនសង្ស័យណាម្នាក់នៅឡើយនោះទេ ។ សមត្ថកិច្ចរកឃើញសំបកកាទុស្សកាំភ្លើងខ្លី៣គ្រាប់និងកាំភ្លើអាកា៥គ្រាប់។
ជនរងគ្រោះបាត់បង់ជីវិតមានឈ្មោះភៀង ផុន ភេទប្រុស អាយុ៥៤ឆ្នាំ និងអ្នករងបួស ៣នាក់ទៀតឈ្មោះ ១, ផុនឡៃម៉េង ភេទប្រុស អាយុ៣២ឆ្នាំ ជាកូនអ្នកស្លាប់ ២,កូយ សេងលី ភេទប្រុស អាយុ៥២ឆ្នាំ ចោរប្លន់វាយនិងដែកស្បែងរងរបួសស្មាឆ្វេង ៣, ម៉េង ជុង ភេទប្រុសអាយុ៣៦ឆ្នាំជនល្មើសវាយនិងដែកស្បែងរបួសស្មាខាងស្តាំ។ទ្រព្យសម្បត្តិរងការបាត់បង់ រួមមាន ខ្សែកផ្លាទីន១ខ្សែទម្ងន់១តំឡឹង ចិញ្ចៀនផ្លាទីន១វង់ទម្ងន់៣ជី៕
ដោយ៖ សំ វិច្ឆិកា
