ភ្នំពេញ៖ បន្ទាប់ពីសមត្ថកិច្ចចម្រុះ បង្ក្រាបទីតាំងលាក់ទុកសារធាតុគីមីដ៏ធំសម្រាប់ដាក់បញ្ចូលក្នុងចំណីអាហារ និងស្ករត្នោត កាលពីថ្ងៃទី២៧ ខែមករា ឆ្នាំ២០១៦ កន្លងទៅ ឥឡូវមន្ត្រីកាំកុងត្រូវបានបើកយុទ្ធនាការចុះត្រួតពិនិត្យនៅតាមផ្សាមួយចំនួន ជាពិសេស ត្រួតពិនិត្យស្ករត្នោត ។
នៅព្រឹកថ្ងៃទី២៨ ខែមករា ឆ្នាំ២០១៦នេះក្រុមមន្ត្រីកកាំកុងត្រូលសាខារាជធានីភ្នំពេញ និងខេត្តកណ្តាល បានចុះត្រួតពិនិត្យនៅក្នុងផ្សារច្បារអំពៅ និងផ្សារគគីរ ដើម្បរកសារធាតុគីមីដែលដាក់ក្នុងម្ហូបអាហារ ចំណីត្រីសាច់ និងដាក់ក្នុងស្ករត្នោត ។
ជាលទ្ធផលបឋមនៃការចុះ ត្រួតពិនិត្យនៅក្នុងផ្សារច្បារអំពៅសមត្ថកិច្ចសង្ស័យស្ករត្នោតចំនួន៧ធុង មានដាក់សារធាតុគីមីហាមឃាត់ ប៉ុន្តែស្ករត្នោតទាំង៧ធុងនោះមិនទាន់រឹបអូសនៅឡើយទេហើយបានដឹកចេញពីស្តង់លក់ យកមករក្សាទុកនៅទីស្នាក់ ការផ្សារច្បារអំពៅបណ្តោះ រង់ចាំចេញលទ្ធផលត្រួតពិនិត្យជាផ្លូវការនិងដឹកយកទៅកម្ទេចចោល ។
ដោយឡែកលទ្ធផលត្រួត ពិនិត្យនៅផ្សារគគីរវិញ ដែលដឹកនាំដោយលោកអ៊ូ ម៉នរិន្ទ ប្រធានសាខាកាំកុង ត្រូលខេត្តកណ្តាល រកមិន ឃើញម្ហូបអា ហារ ដាក់សារធាតុគីមីហាម ឃាត់នោះទេ សូម្បីតែស្ករត្នោតក៍មិនមានដាក់សារធាតុគីមីដែរ ។ ជាមួយគ្នានេះដែរលោកប្រធានសាខាកាំកុងត្រូលខេត្តបានធ្វើការណែនាំដល់អាជីវករលក់ដូរនៅតាមផ្សាទូទាំងខេត្តកណ្តាលដូច្នេះថា បើមានគ្រឿងកំប៉ុងណាកំពិតដាក់ខាតកំយកមកដាក់លក់ និងកុំយកចំណីអាហារណាដែលមានដាក់សារធាតុគីមីយកមកដាក់លក់អោយសោះ បើគ្រឿងកំប៉ុង ត្រូវមើលថ្ងៃខែឆ្នាំកំណត់បើលើសកាលបរិច្ឆេតសូមកុំយកមកលក់វាធ្វើអោយប៉ះពាល់ដល់សុខភាពរបស់ប្រជាពលរដ្ធ។ ចំណែកការដាក់លក់ចំណីអាហារត្រូវមានគម្របគ្របអោយជិតជៀសវាងចំណីអាហារនោះខូចគ្មានគុណភាព ៕
ដោយ៖ សណ្តោស
