ការភ័យខ្លាចពីវីរុសអេបូឡាទើបតែបានឆ្លងផុតដោយអង្គការសុខភាពពិភពលោកបានប្រកាសថា វីរុសអេបូឡាមិនមានទៀតឡើយ ដោយគ្មានករណីឆ្លងវីរុសនេះជាថ្មី គឺជាការជោគជ័យមួយក្នុងការទប់ស្កាត់។ ការប្រកាសទាំងនោះធ្វើឲ្យពលរដ្ឋនៅជុំវិញពិភពលោក សប្បាយរីករាយយ៉ាងខ្លាំងពេលអស់ក្តីបារម្ភពីការឆ្លងវីរុសនេះទៀតឡើយ។
ភាពសប្បាយរីករាយពិតជាមិនអាចរក្សាបានយូរនោះឡើយ គ្រាន់តែក្នុងរយៈពេលដ៏ខ្លីប៉ុណ្ណោះ ពិភពលោកបានប្រឈមនៅជំងឺដ៏កាចសហាវមួយទៀតគ្មានថ្នាំព្យាបាល បង្កការភ័យព្រួយជាថ្មីដល់ពលរដ្ឋជុំវិញពិភពលោកនៅគឺវីរុស Zika ដែលគេឲ្យឈ្មោះថាជាវីរុសស៊ីខួរក្បាលមនុស្ស។ នៅពេលអ្នកដែលបានឆ្លងវីរុសនេះត្រូវស្វិតខួរក្បាលឈានដល់ការស្លាប់។
ជំងឺចម្លែកៗទាំងនោះកើតចេញមកពីណា? ទាំងនោះគឺជាចម្ងល់របស់មនុស្សជាច្រើននៅជុំវិញពិភពលោក ។ កក្តាដែលជំរុញឲ្យមានជំងឺចម្លែកៗទាំងនោះគឺដោយសារតែវិទ្យាសាស្ត្រជឿនលឿន និងការបម្រែបម្រួលអាកាសធាតុជាដើមហេតុ ។ កន្លងមកអង្គការពិភពលោកធ្លាប់បានប្រកាសអាសន្នពីជំងឺផ្សេងៗដែលអាចសម្លាប់មនុស្សជាច្រើន ទន្ទឹមនឹងគ្រោះធម្មជាតិ បង្កឡើងដោយសារតែបម្រែបម្រួលអាកាសធាតុ។
គួរបញ្ជាក់ថាមេរោគនេះបណ្ដាលឲ្យទារក ពេលកើតមកគឺមានក្បាលតូចខុសប្រក្រតី មេរោគនេះបានកើនឡើងនៅប្រទេសប្រេស៊ីលពី១៦៣ករណីក្នុង ១ឆ្នាំគិតជាមធ្យម ហើយគេសង្ស័យថាមានអ្នកជំងឺជាង៣.៧១៨នាក់ គិតចាប់តាំងពីការផ្ទុះជំងឺនេះមកថែមទាំងមានទារកចំនួន៦៨នាក់បានស្លាប់ដោយសារមេរោគនេះ៕
ប្រែសម្រួល៖ ម៉ែវ សាធី
