ភ្នំពេញ៖ ក្រោយផ្ទុះពាក្យចចាមអារាមរឿងរ៉ាវស្នេហាក្រៅឆាករវាងលោក និងតារាសម្តែង ឌុច លីដា ដែលរហូតសម្រាលបានកូនប្រុសម្នាក់នោះ ពេលនេះ តារាសម្តែងរូបនេះបានបង្ហាញមុខគូស្នេហ៍ជាផ្លូវការហើយ។
ជម្រះ ពាក្យចចាមអារាមលេងស្នេហាក្រៅឆាកនឹងតារាស្រី ឌុច លីដាពេលនេះ តារាសម្តែងណាខុន បានបញ្ចេញរូបថតកៀកកើយជាមួយគូស្នេហ៍ស្របពេលដែលចំណងស្នេហ៍លោកនិងនារីនោះមានវ័យជាងមួយឆ្នាំមកហើយ។តារាសម្តែង ណាខុន បានត្រឹមបង្ហាញរូបរាងគូស្នេហ៍ ហើយបើទោះបីជានារីនោះហាក់មានវ័យបងលោកបន្តិចប៉ុន្តែពួកគេទទួលបានការកោតសរសើរច្រើនពីមិត្តភ័ក្កិ។ ថ្មីៗនេះពួកគេក៏បានបង្ហាញភាពស្និទ្ធស្នាលជាមួយក្រុមគ្រួសារដោយរួមទាំងការធ្វើបុណ្យរួមគ្នាជាមួយមិត្តភ័ក្កិសាច់ញាតិផងដែរ។ ទោះជាមិនទទួលបានការបញ្ជាក់បន្ថែមពីលោក ប៉ុន្តែអ្នកជិតដិតលើកឡើងថា ចំណងស្នេហ៍លោក និងនារីអ្នកជំនួញមានជីវភាពធូរធារម្នាក់នៅមានរយៈពេលជាង១ឆ្នាំមកហើយ។ ប្រភពថាពួកគេស្រលាញ់គ្នា ក្រោយស្វែងយល់ចិត្តគ្នា និងមានការណែនាំឲ្យស្គាល់គ្នាពីមិត្តភ័ក្កិ។ លោកនៅមិនទាន់បង្ហាញគម្រោងរៀបការណាមួយទៅកាន់មិត្តរួមអាជីពនៅឡើយ ខណៈពួកគេបាននិងកំពុងមានគម្រោងរកស៊ីរួមគ្នាសិន មុនពេលចូលរោងការ។
ប្រភពបញ្ជាក់ដែរថា ការបញ្ចេញរូបរាងរបស់គូស្នេហ៍នេះក្រោយពេលពាក្យចចាមអារាមរឿងស្នេហាក្រៅឆាកជាមួយ ឌុច លីដា រហូតបានកូនប្រុសម្នាក់។ មានការលើកឡើងដែរថាការបញ្ចេញរូបរាងនេះដែរក៏ដើម្បីឲ្យស្នេហាពួកគេកាន់តែរឹងមាំជាងមុនផងដែរ។ លោកនៅមិនទាន់បង្ហាញគម្រោងរៀបការណាមួយទៅកាន់មិត្តរួមអាជីពនៅឡើយ ខណៈពួកគេបាននឹងកំពុងមានគម្រោងរកស៊ីរួមគ្នាសិន មុនពេលចូលរោងការ៕
ដោយ វឌ្ឍនា
