ភ្នំពេញ ៖ បុរស់ម្នាក់បានរងរបួសធ្ងន់ត្រូវ រថយន្ដសង្គ្រោះដឹកយកទៅមុន្ទីរពេទ្យភ្លាមៗ ខណៈដែលរូបគេបានជិះម៉ូតូមូយគ្រឿងក្នុងល្បឿនលឿនមិនប្រយ័ត្នជ្រុលទៅបុករថយន្ដតូរីសកំពុងបត់ឆ្លងផ្លូវពេញទំហឹង កាលពីវេលាម៉ោង២២នឹង១៥នាទី ថ្ងៃទី១៣ ខែកក្កដា ឆ្នាំ២០១៥ តាមបណ្ដោយផ្លូវសហព័ន្ធរុស្សី ទល់មុខច្រកចូលអាកាសយាន្ដដ្ឋានអន្តរជាតិភ្នំពេញ ស្ថិតក្នុងភូមិក្បាលដំរី សង្កាត់ កាកាប ខណ្ឌពោធិ៍សែនជ័យ។ ប្រភពព័ត៌មានពីសាក្សីនៅកន្លែងកើតហេតុបានអោយដឹងថា មុនពេលកើតហេតុគេបានឃើញមានរថយន្ដមួយគ្រឿងម៉ាក តូរីស ពណ៍ទឹកបិចចាស់ ពាក់ស្លាកលេខ ភ្នំពេញ 2Z-7024 ធ្វើដំណើរតាមបណ្ដោយផ្លូវសហព័ន្ធរុស្សី ទិសដៅពីកើតទៅលិច ខណៈមកដល់ចំណុចកើតហេតុ ក៏បានស៊ីញ៉ូបត់ឆ្វេង បំណងចូលក្នុងអាកាសយាន្តភ្នំពេញ្ញ ស្រាប់តែមានម៉ូតូមួយគ្រឿង ម៉ាកឌ្រីមសង់សេ១២៥ស៊េរី ២០១៤ ពណ៍ខ្មៅ ពាក់ស្លាកលេខ ភ្នំពេញ 1CE-1067 ជិះដោយបុរសម្នាក់ ទិសដៅបញ្ច្រាស់ទិសគ្នា ក្នុងល្បឿនលឿនជ្រុលទៅបុកពេញទំហឹង បណ្ដាលអោយបោកក្បាលជាមួយរថយន្ដរងរបួសធ្ងន់ចំណែកម៉ូតូ និងរថយន្ដរងការខូចខាតផងដែរ។ ប្រភពដដែលបានបន្តថា ក្រោយកើតហេតុកម្លាំងសមត្ថកិច្ចមូលដ្ឋានបានចុះដល់កន្លែងកើតហេតុ និងបានឃាត់ខ្លួនម្ចាស់រថយន្ដដើម្បីយកទៅសួរនាំ ហើយបានសហការជាមួយកម្លាំងជំនាញ វាស់វែងយករថយន្ដ និងម៉ូតូយកទៅរក្សាទុកនៅអធិការដ្ឋានខណ្ឌពោធិ៍សែនជ័យ ម្បីរងចាំដោះស្រាយនៅពេលក្រោយ៕ សុខា សែនជ័យ
