ខេត្តពោធិ៍សាត់: នៅព្រឹកថ្ងៃទី១៣ ខែកក្កដា ឆ្នាំ២០១៥ នៅទីបញ្ជាការដ្ឋានកងរាជអាវុធហត្ថស្រុកភ្នំក្រវាញដោយមានការចូលរួមពីអាវុធហត្ថស្នាក់ការសន្តិសុខ 503 ប្រារព្ធពិធីខួបកំណើតអនុស្សាវរីយ៍លើកទី 22 របស់កងរាជអាវុធហត្ថលើផ្ទៃប្រទេស និងចែកអំណោយដល់នាយ និងពលកងរាជរាជអាវុធហត្ថស្រុក ។ កិច្ចប្រជុំរបស់ឧត្ដមសេនីយ៍ត្រីយ៍ ខេង ទីតូ មេបញ្ជាការកងរាជអាវុធហត្ថខេត្តពោធិ៍សាត់ ស្ដីពីការប្រារព្ធពិធីខួបអនុស្សាវរីយ៍លើកទី 22 ជាថ្ងៃបង្កើតកងរាជអាវុធហត្ថលើផ្ទៃប្រទេស ថ្ងៃទី១៤ ខែកក្កដា ឆ្នាំ១៩៩៣ ។ ដូច្នេះនៅទីបញ្ជាការដ្ឋានកងរាជអាវុធហត្ថស្រុកភ្នំក្រវាញ ប្រារព្ធពិធីនេះឡើង ក្នុងនោះលោកអនុសេនីយ៍ឯក ចាន់ សុខា មេបញ្ជាការដ្ឋាន មានមតិសំណេះសំណាលកងកម្លាំងក្រោមឱវាទ ព្រមទាំងបានចែកអំណោយដល់នាយ និងពលកងរាជអាវុធហត្ថស្រុកភ្នំក្រវាញចំនួន3រូបដែលមានជីវភាពទីទាល់ និងចូលនិវត្សរ៍ក្នុងម្នាក់ៗចំនួនអង្ករ 22kg ថវិកាចំនួន5ម៉ឺនរៀល។ លោកមេបញ្ជាការបន្តថា ទោះបីអំណោយនេះបន្តិចបន្តួចពិតមែន តែអាចជួយរំលែកទុក្ខបានខ្លះៗដល់កងកម្លាំងនៅពេលគ្រាដែលជួបភាពលំបាក ពិសេសនេះសម្ដែងអោយឃើញថាជាមនោសញ្ចេតនាអោយកាន់តែស្និទ្ធស្នាលនៅពេលដែលជួបទុក្ខលំបាក ខណៈក្នុងឱកាសប្រារព្ធខួបអនុស្សវរីយ៍លើកទី 22 ជាថ្ងៃកំណើតកងរាជអាវុធហត្ថលើផ្ទៃប្រទេស ៕ ពឹម ប៉ិន
