ខេត្តបាត់ដំបង ៖ អាជីវកម្មរ៉ែមាសអាណាធិបតេយ្យនៅចំណុចភ្នំព្រឹក ស្ថិតក្នុងស្រុកភ្នំព្រឹក ខេត្តបាត់ ដំបងត្រូវគេមើលឃើញថានៅតែបន្តសកម្មភាពជាដដែល។ ការធ្វើអាជីវកម្មនោះត្រូវគេនិយាយថា ប្រឆាំងការហាមឃាត់របស់ក្រសួងរ៉ែ និងថាមពល ដែលកន្លងទៅថ្មីៗនេះ បានស្នើឱ្យក្រុមឈ្មួញរកស៊ីជីកកកាយរ៉ែមាសនៅចំណុចភ្នំព្រឹកឱ្យផ្អាកសកម្មភាព បណ្តោះអាសន្ន ដោយរង់ចាំនាំគ្នាចងក្រងជាសហគមន៍ ហើយស្នើសុំធ្វើអាជីវកម្មស្របច្បាប់ទៅក្រសួង រ៉ែនិងថាមពលនោះសិន។ សកម្មភាពនៃការជីកកកាយយករ៉ែមាសខុសច្បាប់ពីសំណាក់ក្រុមឈ្មួញអាណាធិបតេយ្យនៅ ភ្នំព្រឹក ត្រូវគេនិយាយថាធ្វើឡើងដោយប្រថុយប្រថាន ខ្វះបច្ចេកទេស ជីករូងយកថ្ម រ៉ែមាសក្នុងជម្រៅជាង២០ម៉ែត្រ។ សកម្មភាពនោះត្រូវគេនិយាយថា ធ្វើឱ្យកម្មករដែលស៊ីឈ្នួលចុះទៅជីកលុងយកថ្មរ៉ែមាសអាចប្រឈមនិងគ្រោះថ្នាក់ដល់អាយុជីវិត។ ក្នុងនោះបើតាមសេចក្តីរាយការណ៍ដដែលឱ្យដឹងទៀតថាកន្លងមកមានកម្មករម្នាក់ត្រូវបានស្លាប់បន្ទាប់បីមានការដាក់ជាតិរំសេវបំផ្ទុះយកថ្មខុសបច្ចេកទេសហើយផ្លោងខ្ទាតថ្មត្រូវជនរងគ្រោះបណ្តាលឱ្យរងរបួស បន្ទាប់មកបានស្លាប់ក្រោយពីគេបញ្ជូនទៅមន្ទីរពេទ្យ។សំណុំរឿងនៃការស្លាប់របស់កម្មករនោះ ត្រូវគេបិទចោលយ៉ាងស្ងៀមស្ងាត់។ បើតាមសេចក្តីរាយការណ៍ពីប្រជាពលរដ្ឋដដែលប្រាប់ឱ្យដឹងទៀតថា ការធ្វើអាជីវកម្ម រ៉ែមាសអាណាធិបតេយ្យនៅភ្នំព្រឹកនោះដែរ ភាគច្រើនជាឈ្មួញនៅពីក្រោយខ្នង ដែលជួលកម្ម ករជីកកកាយយ់រ៉ែមាសនៅទីនោះ គឺមានប្រជាជនតិចតួចណាស់។ការធ្វើអាជីវកម្មបាន យ៉ាងរលូនបែបនវត្រូវគេសង្ស័យថាអាជ្ញាធរដែនដីនិងសមត្ថកិច្ចមួយចំនួននៅស្រុកភ្នំព្រឹកមានការ ឃុបឃិតគ្នាបើកដៃឱ្យឈ្មួញធ្វើសកម្មភាព ប្រើប្រាស់ក្នុងរូបភាពប្រជាជនម្ចាស់ ដីជាអ្នក ធ្វើអាជីវកម្មតែធាតុពិតអ្នកធ្វើអាជីវកម្មរ៉ែមាសនៅទីនោះភាគច្រើនឈ្មួញដែលមានទ្រព្យធន។ សកម្មភាពនៃការធ្វើអាជីវកម្មរ៉ែមាសអាណាធិបតេយ្យខុសច្បាប់នោះដែរ ត្រូវ គេនិយាយថា មិនត្រឹមតែបង្កឱ្យបាត់បង់ធនធានធម្មជាតិរ៉ែមាសប៉ុណ្ណោះនោះទេ វាថែម តែបង្កឱ្យរងផលប៉ះពាល់ធ្ងន់ធ្ងរដល់បរិស្ថាន ដោយគេប្រើប្រាស់សារធាតុគីមីរំលាយថ្ម បង្ហូរ សារធាតុគីមីសាយភាយពេញវាលពេញកាលហូរជ្រាបចូលទឹកអូរ ប្រឡាយ និងហូរ តាមទឹកភ្លៀង ដែលជាហេតុ អាចបង្កប៉ះពាល់ដល់សុខភាព ប្រជាពលរដ្ឋនិង សត្វគោ ក្របីទៀតផង។កាលពីប៉ុន្មានឆ្នាំផុតទៅមានសត្វគោ១ក្បាលត្រូវពុលងាប់ នៅពេលសត្វគោ នោះចុះផឹកទឹកអូរដែលមានសារធាតុគីមី។ ជុំវិញនៃការបន្តធ្វើអាជីវកម្មរ៉ែមាសខុសច្បាប់នៅចំណុចភ្នំព្រឹក នៅរសៀលថ្ងៃទី១៣ ខែកក្កដា នេះ អ្នកយកព័ត៌មានយើងបានទំនាក់ទំនង លោក សួន កឿន អភិបាលស្រុកភ្នំព្រឹក ឱ្យជួយបំភ្លឺនោះដែរ លោកឆ្លើយតបវិញថាកំពុងជាប់រវល់ប្រជុំ។ ពាក់ព័ន្ធនិងការធ្វើអាជីវកម្មរ៉ែមាសអាណាធិបតេយ្យនោះដែរ លោក ប្រធានមន្ទីរបរិស្ថាន ខេត្តបាត់ដំបង បានប្រាប់ឱ្យដឹងតាមទូរស័ព្ទថា អាជីវកម្មរ៉ែមាស អាណាធិបតេយ្យនៅទីនោះ បានបង្កឱ្យប៉ះពាល់បរិស្ថាន និងកន្លងមកបង្កឱ្យសត្វគោ១ ក្បាល ពុលងាប់ហើយខាងបរិស្ថានបានចុះទៅត្រួតពិនិត្យនោះដែរក៏ប៉ុន្តែមិនអាចធ្វើបាននោះទេ។ លោកនិយាយទៀតថានៅពេលខាងមុខប្រជាជនទាំងនោះធ្វើស្របច្បាប់ខាងមន្ទីរនិងងាយ គ្រប់គ្រង។ ពាក់ព័ន្ធនឹងការអាជីវកម្មរ៉ែមាសខុសច្បាប់នោះដែរ លោកប្រធានមន្ទីររ៉ែនិងថា មពលខេត្តធ្លាប់ប្រាប់អ្នកយកព័ត៌មានឱ្យដឹងថាកន្លងមកខាងមន្ទីរបានចុះទៅណែនាំទប់ស្កាត់ជាច្រើនដង ហើយខាងមន្ទីរក៏បានធ្វើលិខិតទៅជាច្រើនលើកឱ្យអាជ្ញាធរស្រុកចុះទៅ វិធានការបង្ក្រាប ក៏ប៉ុន្តែគេមិនឃើញមានវិធានការនោះទេ៕ វិច្ឆិកា
