ភ្នំពេញ៖ ទា្វរដែកលំនៅដា្ឋន ប្រជាពលរដ្ឋមួយកន្លែងត្រូវបានរងការខូចខាតយ៉ាងដំណំដោយសារថយន្តតូយ៉ូតាកូរ៉ូឡាពណ៌ស្លែមួយគ្រឿង ពាក់ស្លាកលេខភ្នំពេញ1A1020បើកបរដោយ បុរសជាជនជាតិវៀតណាមម្នាក់បើកបុកទាំងយប់ ។
ឧប្បត្តិហេតុនេះកើតឡើងបង្កការភ្ញាក់ផ្អើលកាលពីវេលាម៉ោង១១និង៣០នាទីយប់ ថ្ងៃទី៣១ខែមករា២០១៦ លេខ56Eo ស្ថិតនៅតាមបណ្តោយផ្លូវលេខ១៣៦ ក្នុងសង្កាត់ផ្សារកណ្តាល២ ខណ្ឌដូនពេញ។
តាមប្រភពពីម្ចាស់ផ្ទះបានឲ្យដឹងថា ខណៈដែលគាត់ កំពុងតែដេកលង់លក់នៅក្នុងផ្ទះ ស្រាប់តែមានបុរសជាជនជាតិវៀតណាមមិនស្គាល់ឈ្មោះមា្នក់ បានបើកបររថយន្តម៉ាកតូយ៉ូតាកូរ៉ូឡាពណ៌ស្លែមួយគ្រឿងពាក់ស្លាកលេខភ្នំពេញ1A1020 ចេញមកពីផឹកស៊ីនៅក្នុងហាងក្បែរនោះហើយបានបត់ត្រឡប់ក្រោយ ច្រឡំជាន់ហ្គាស្មានថាចាប់ហ្វ្រាំងបណ្តាលឲ្យរថយន្តជ្រុលមកបុកទ្វារដែករូតផ្ទះរបស់គាត់វៀ្ចផុងដល់ក្នុងរងការខូចខាតយ៉ាងដំណំ។
ម្ចាស់ផ្ទះបានឲ្យដឹងទៀតថា ក្រោយពេលកើតហេតុ គាត់បានទាមទារឲ្យបុរសអ្នកបើកបររថយន្តបង្ក សំណងសងទ្វារផ្ទះរបស់គាត់ឡើងវិញ ប៉ុន្តែត្រូវតម្តល់ទុកលុយចំនួន១០០០$ ទុកជាថ្នូរបណ្តោះអាសន្នសិនព្រមទាំងមានកិច្ចសន្យាជាលាយលក្ខណ៍អក្សរ ផង។ លុះភ្លឺឡើងចាំយកទ្វារថ្មីមកដោះដូររួចរាល់ហើយ ទើបគាត់ប្រគល់ប្រាក់១០០០ដុល្លារនោះឱ្យអ្នកបើកបរនោះវិញដើម្បីបញ្ចប់រឿង ៕
ដោយ៖ ប្រាថ្នា
