ខេត្ដសៀមរាប៖ កម្លាំងកងរាជអាវុធ ហត្ថខេត្ដសៀមរាបបានឃាត់ខ្លួនជនសង្ស័យ ៣នាក់ដែលជាប់ពាក់ព័ន្ធគ្រឿងញៀនក្នុង នោះមានយុវតីម្នាក់ធ្វើការងារជាអូតេស នៅតាមហាងផង ។
ប្រតិបត្ដិការនេះបាន ធ្វើឡើងកាលពីវេលាម៉ោង១១យប់ថ្ងៃទី៣០ ខែមករា ឆ្នាំ២០១៦ នៅក្នុងភូមិ ជន្លង់ សង្កាត់សាលាកំរើក ក្រុងសៀម រាបខេត្ដ សៀមរាប ។
ជនសង្ស័យទាំង៣នាក់ទី១-ឈ្មោះ យ៉ាន់ វីរៈ ភេទប្រុស អាយុ២៣ឆ្នាំ មុខ របរបុគ្គលិកសណ្ឋាគារ រស់នៅភូមិជ្រៃ ឃុំកណ្ដែក ស្រុកប្រាសាទបាគង ខេត្ដ សៀមរាប, ទី២-ឈ្មោះ សុខា មធុរា មង្គល ភេទប្រុស អាយុ២៨ឆ្នាំ មុខរបរ និស្សិតឆ្នាំទី៤ រស់នៅក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្ដ សៀមរាប និងទី៣-ឈ្មោះ ផល ស្រីនាង ភេទស្រី អាយុ២៥ឆ្នាំ មុខរបរជាអូតេស រស់នៅភូមិខ្នារ សង្កាត់ជ្រាវ ក្រុងសៀម រាប ខេត្ដសៀមរាប ត្រូវបានឃាត់ខ្លួន និងដកហូតវត្ថុតាងសារធាតុញៀនម្សៅ ក្រាមពណ៌សថ្លាចំនួន៥កញ្ចប់ មានទម្ងន់ សរុប០,៥០ក្រាមនិងទូរស័ព្ទដៃ៥គ្រឿង។
លោកអនុសេនីយ៍ឯក ធាវ ច័ន្ទតារា នាយការិយាល័យប្រឆាំងគ្រឿងញៀន បានឱ្យដឹងថា សមត្ថកិច្ចបានបញ្ជូនជន សង្ស័យទាំង៣នាក់រួមនឹងវត្ថុតាងខាង លើទៅសាលាដំបូងខេត្ដដើម្បីចាត់វិធាន ការតាមច្បាប់ ៕
ដោយ៖ ប៊ុន រិទ្ធី
