ខេត្តកំពង់ឆ្នាំង៖ ស្ត្រីម្នាក់បានសម្រេចចិត្តសម្លាប់ខ្លួនឯងចោលក្រុមគ្រួសារនិងកូន អោយនៅតែតោល ព្រោះតែតូចចិត្តនឹងវាសនានៃជីវភាព ថែមទាំងមានជំងឺប្រចាំកាយ មើលមិនជា ។
ហេតុការណ៍ដ៍ភ្ញាក់ផ្អើលនេះបានកើតឡើងកាលពីវេលាម៉ោង៥ និង៣០នាទីព្រឹក ថ្ងៃទី១ ខែកុម្ភៈ ឆ្នាំ២០១៦ នៅភូមិទន្លេក្រៅ ឃុំជលសារ ស្រុកជលគីរី ខេត្តកំពង់ឆ្នាំង ។
សមត្ថកិច្ចបានអោយដឹថា ស្ត្រីដែលចង.កសម្លាប់ខ្លួននេះឈ្មោះជា តាំ អាយុ៦១ឆ្នាំ មានទីលំនៅក្នុងភូមិឃុំកើតហេតុខាងលើ ។
ប្រភពពីប្រជាពលរដ្ឋនៅក្បែរគ្នានេះ បានអោយដឹងថា មុនពេលដែលស្ត្រីនោះធ្វើអត្តឃាតសម្លាប់ខ្លួនឯងនោះ បានពោលពាក្យថា “រូបគាត់មិនចង់រស់នោះទេ ព្រោះតែសព្វថ្ងៃនេះឈឺមិនចេះជានឹងគេនោះទេ ហើយជីវភាពពិបាកថែមទៀត” ។ ទោះជាពោលដូចនេះក្តី ប្រជាពលរដ្ឋដែលរស់នៅក្បែខាងគ្នា មិនចាប់អារម្មណ៍នោះទេ ស្មានតែនិយាយអោយធូរស្បើយពេលដែលពិបាកចិត្ត ។ ប៉ុន្តែអ្វីដែលនឹកស្មានមិនដល់នោះ គឺនៅព្រលឹមស្រាងៗស្រាប់តែគេនិយាយថា ស្ត្រីជាតាំ នេះបានសម្លាប់ខ្លួនបាត់ហើយ ដោយយកខ្សែចង.កសម្លាប់នឹងដើមសណ្តាន់នៅក្រោយផ្ទះ ។
ប្រជាពលរដ្ឋបានលើកឡើងថា កន្លងប្រមាណជាបីឆ្នាំមុនប្តីស្ត្រីរូបនេះក៍បានធ្វើអត្តឃាតសម្លាប់ខ្លួនដែល ដោយចង.កសម្លាប់ខ្លួនប៉ុន្តែមិនបានដឹងពីមូលហេតុជាក់លាក់ ស្រាប់តែពេលនេះស្ត្រីនេះស្លាប់ដោយចង.កចោលកូននិងក្រុមគ្រួសារផងដែរ ។
ក្រោយពីដឹងថា ស្ត្រីរូបនេះបានចង.កសម្លាប់ខ្លួននោះ ក្រុមគ្រួសារបានផ្តល់ព័ត៌មាននេះទៅសមត្ថកិច្ច ដើម្បីពិនិត្យសាកសព ក្រោយពីធ្វើកោសល្យវិច្ច័យរួចមកសមត្ថកិច្ចបានសន្និដ្ឋានថា ស្ត្រីរូបនេះពិតជាចង.កសម្លាប់ខ្លួនឯងពិតប្រាកដមែន និងបានប្រគល់សាកសពទៅក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
ដោយ៖ ចន្ថា
