ខេត្តប៉ៃលិន៖ ជនសង្ស័យ២នាក់ ដែលធ្វើសកម្មភាពប្លន់ផ្ទះវេរលុយវីងនៅក្រុងប៉ៃលិនកាលពីថ្ងៃទី២១ មករា ឆ្នាំ២០១៥ ត្រូវបានកម្លាំងនៃស្នងការនគរបាលរាជធានីភ្នំពេញ សហការជាមួយកម្លាំងនគរបាលនៃស្នងការដ្ឋាននគរបាលខេត្តប៉ៃលិន ប្រមាញ់ឃាត់ខ្លួនបានកាលពីព្រឹកថ្ងៃទី២ ខែកុម្ភៈ ឆ្នាំ២០១៦។
ប្រភពពីមន្ដ្រីនគរបាលបានឱ្យដឹងថា ជនសង្ស័យទាំង២នាក់មានឈ្មោះ ហ៊ត វិសិដ្ឋ អាយុ២៧ឆ្នាំ រស់នៅឃុំជប់ទី១ ស្រុកត្បូងឃ្មុំ និងទី២មានឈ្មោះ សេង ដា អាយុ៣៥ឆ្នាំ រស់នៅខេត្តកំពង់ចាម។ ពេលនេះជនសង្ស័យទាំង២នាក់កំពុងស្ថិតក្នុងការឃុំខ្លួន ដើម្បីសាកសួរ ស្រាវជ្រាវរកមុខសញ្ញបន្ដ។
សូមរំលឹកថា កាលពីរសៀលថ្ងៃទី២១ ខែមករា ឆ្នាំ២០១៦ មានករណីក្រុមចោរប្រដាប់ដោយកាំភ្លើង អាការ និងពូថៅ បានចូលប្លន់ផ្ទះអាជីវកររកស៊ីផ្ទេរប្រាក់ Wingយីហោហេង រតនា ស្ថិតក្នុងសង្កាត់អូតាវ៉ៅ ក្រុងប៉ៃលិន ចាប់ម្ចាស់ផ្ទះ២នាក់ អា-ករ និងវាយឲ្យរបួសធ្ងប់ រួចប្រមូលប្រាក់ប្រមាណ១ម៉ឺនដុល្លារ គេចខ្លួនដោយសុវត្ថិភាព។
បន្ទាប់ពីមានករណីប្លន់សម្លាប់នេះកើតឡើង សមត្ថកិច្ចនគរបាលរាជធានីភ្នំពេញ បានសហការជាមួយនគរបាលខេត្តប៉ៃលិន ក៏បានដុតដៃដុតជើង ដើម្បីតាមស្រាវជ្រាវរហូតចាប់បានមុខសញ្ញាជនសង្ស័យ២នាក់ខាងលើ ៕
ដោយ៖ វិបុល
