ភ្នំពេញ៖ ស្ត្រីជាប្រពន្ធមន្ត្រីប៉ូលិថ្នាក់មេប៉ុស្តិ៍ និងជាអាជីវករលក់ដូរគ្រឿងទេសនៅនិងផ្ទះម្នាក់ ត្រូវក្រុមជនប្រដាប់អាវុធមិនសា្គល់មុខចំនួន២នាក់ ជិះម៉ូតូ១គ្រឿងឌុបគា្ន និងបានប្រើល្បិចចូលទៅឈប់ឱ្យចាក់សាំង រួចធ្វើសកម្មភាពភ្ជង់ប្លន់យក គ្រឿងអលង្ការនិងលុយកកាក់ ហើយគេចខ្លួនបាត់ដោយសុវត្ថិភាព ។
ក្នុងហេតុការណ៍អំពើប្លន់ប្រដាប់អាវុធនេះដែរ បានកើតឡើងកាលពីវេលាម៉ោង៧ និង៤០នាទីយប់ ថ្ងៃទី២ ខែកុម្ភៈ ឆ្នាំ២០១៦ នៅទុលមុខផ្ទុះគ្មានលេខ យីហោរ(សោភ័ណ្ឌលក់ភេសជ្ជះគ្រប់មុខ) ជាប់ផ្លូវជាតិលេខ២ ក្នុងភូមិព្រែករទាំង សង្កាត់ព្រែកកំពឹស ខណ្ឌដង្កោ ។
ស្ត្រីរងគ្រោះជាមា្ចស់ផ្ទះលក់ដូរដែលរងនូវអំពើប្លន់ពីសំណាក់ក្រុមជនប្រដាប់អាវុធមិនសា្គល់មុខនោះ មានឈ្មោះសុទ្ធ សោភ័ណ្ឌ អាយុ៤១ឆ្នាំ មុខរបរលក់ដូរ ស្នាក់នៅផ្ទះកន្លែងភូមិកើតហេតុខាងលើ មានប្តីឈ្មោះជា ប៉ុនណា អាយុ៤៣ឆ្នាំ មុខរបរជាមន្ត្រីមេប៉ុស្តិ៍ជើងកើប នៅស្រុកកណ្ដាលស្ទឹង ខេត្តកណ្ដាល មានកូនប្រុសស្រី៣នាក់ ប្រុស១ស្រី២ ។
យោងតាមការរៀបរាប់របស់ស្ត្រីជនរងគ្រោះបានអោយដឹងថា មុខកើតមានករណីប្លន់នេះ គឺកើតឡើងខណៈពេលរូបគាត់ កំពុងរៀបចំទុកដាក់ឥវ៉ាន់ចូលទៅក្នុងផ្ទះ ដោយបិទទ្វារផ្ទះទុកចំហរតែមួយប្រលោះតូច សម្រាប់គ្រាន់និងចេញចូលប៉ុណ្ណោះ។ ក្រោយមកស្រាប់តែមានជនមិនស្គាល់មុខចំនួន២នាក់ បានជិះម៉ូតូមួយគ្រឿងមកឈប់នៅមុខផ្ទុះរបស់គាត់ ហើយឲ្យគាត់ចាក់សាំងឱ្យ១លីត្រ ពេលចាក់រួចអោយ ជនសង្ស័យបានឲ្យលុយក្រដាស់១ម៉ឺនរៀល ទៅអោយជនរងគ្រោះយកទៅអាប់ ។ ពេលស្ត្រីជនរងគ្រោះម្ចាស់ផ្ទះ ដើរចូលទៅក្នងផ្ទះដើម្បីអាប់លុយឱ្យវិញនោះ ស្រាប់តែជនជាបក្ខពួកម្នាក់ទៀត បានដកកាំភ្លើងខ្លី មិនស្គាល់ម៉ាក ភ្ជង់គម្រាមកុំអោយស្រែក ប្លន់យកខ្សែក និងផ្លាកដៃ ផ្លាកទីន សរុប២តំឡឹង និងយកលុយខ្មែរនៅក្នុងកាបូប អស់ចំនួួន៩០មឺុនរៀល និងលុយដុល្លារចំនួន២៥០ដុល្លារ រួចនាំគ្នាជិះម៉ូតូរត់គេចខ្លួនបាត់ស្រមោលភា្លមៗតែម្តង ៕
...
ដោយ៖ ភារ៉ា ដង្កោ
