ភ្នំពេញ៖ ទីតាំងបាញ់អាប៉ោង និងជុលមាន់ នៅក្នុងព្រៃឬស្សីខាងលិច សាលាសង្កាត់ត្រពាំងក្រសាំង ខណ្ឌពោធិ៍សែនជ័យ ប្រហែលជាង១៥០ម៉ែត្រ បានកំពុងលេងយ៉ាងគគ្រឹកគគ្រេងដោយមិនខ្លាចញញើតសមត្ថកិច្ច ឬក៏សមត្ថកិច្ចត្រូវថ្នាំសណ្តំរបស់មេខ្លោងបាញ់អាប៉ោង និងជុលមាន់ទើបបានជាបិតភ្នែកធ្វើមើលមិនឃើញបែបនេះ។
ប្រជាពលរដ្ឋដែលនៅក្បែរបានអោយដឹងថា នៅប៉ុន្មានថ្ងៃមុនកម្លាំងនគរបាលខណ្ឌពោធិ៍សែនជ័យបានចុះបង្ក្រាបទីតាំងបាញ់អាប៉ោង និងជុលមាន់ខាងលើម្តងរួចមកហើយ។ តែដូចជាគ្មានប្រសិទ្ធភាពព្រោះបានប៉ុន្មានថ្ងៃក្រោយមកស្រាប់តែបើកលេងលើសដើមដោយមិនខ្លាចញញើតកម្លាំងសមត្ថកិច្ច។
ប្រជាពលរដ្ឋបានសំណូមពរដល់លោក យឹម សារ៉ាន់ អធិការខណ្ឌពោធិ៍សែនជ័យ និងលោក ហែម ដារិទ្ធ អភិបាលខណ្ឌជួយពិនិត្យមើលករណីល្បែងស៊ីសងខាងលើផង។
ប្រជាេពលរដ្ឋបានបន្តទៀតថា មេខ្លោងដែលបើកវង់ល្បែងស៊ីសងខាងលើនោះត្រូវបានគេស្គាល់ឈ្មោះ វឿន ហើយក៏មិនមែនបើកតែមួយកន្លែនឹងទេគឺមានជាច្រើនកន្លែងទៀតនៅក្នុងខណ្ឌពោធិ៍សែនជ័យ ហើយក៏ធ្លាប់ត្រូវបានកម្លាំងនគរបាលខណ្ឌចុះបង្ក្រាបជាច្រើនលើកដែរតែឃាត់មិនបានប៉ុន្មានម៉ោងផងក៏ដោះលែងមកវិញ និងបន្តបើកដដែរ ឬសមត្ថកិច្ចបានទទួលលាភសការៈពីមេខ្លោងល្បែងរូបនោះ?៕
...
ដោយ៖ សុខាសែនជ័យ