នាំ​កូនស្រី​ទៅ​នេសាទ​ត្រី​ដល់​កន្លែង​ស្ងាត់​ចាប់បង្ខំ​រំលោភ​រហូត​បាន​សម្រេច

ចែករំលែក៖

ខេត្តកំពង់ឆ្នាំង​ ៖​ បុរស​ ជា​ឪពុក​ម្នាក់​ត្រូវ​សមត្ថកិច្ច​នគរបាល​មូលដ្ឋាន​ ឃាត់ខ្លួន​ បន្ទាប់​ពី​ប្រពន្ធ​ជនសង្ស័យ​បាន​ដាក់​ពាក្យ​ប្តឹង​ទៅ​សមត្ថកិច្ច​ ក្នុង​ករណី​រំលោភ​សេពសន្ថវៈ​លើ​កូនស្រី​បង្កើត​របស់​ខ្លួនឯង​ ។​ ការ​ឃាត់ខ្លួន​នេះ​ធ្វើ​ឡើង​កាលពី​ថ្ងៃ​ទី​១៣​ ខែ​ក​ក្ត​ដា​ ឆ្នាំ​២០១៥​។​

​សមត្ថកិច្ច​បាន​ឲ្យ​ដឹង​ថា​ ជនសង្ស័យ​ឈ្មោះ​យ៉​ន​ វឿ​ន​ អាយុ​៣៣​ឆ្នាំ​ មាន​ទីលំនៅ​ក្នុងភូមិ​ពោធិ​ម្រះ​ ឃុំ​ចក​ ស្រុក​បរិបូរណ៍​ ខេត្តកំពង់ឆ្នាំង​ ។​

​ប៉ូលិស​បានដឹង​ថា​ កាលពី​ថ្ងៃ​ទី​១២​ ខែកក្កដា​ ឆ្នាំ​២០១៥​ បុរស​ជា​ឪពុក​ បាន​យក​កូនស្រី​ទៅ​នេសាទ​ត្រី​ជាមួយ​ និង​ ប្អូន​របស់​នាង​ម្នាក់​ទៀត​ ដែល​នៅ​ឆ្ងាយ​ពី​ភូមិ​ គឺ​នៅ​ចំណុច​ត្រពាំង​ទ្រា​ ក្នុងភូមិ​ស្វាយ​គយ​ ឃុំ​ពន្លៃ​ ស្រុក​បរិបូរណ៍​ ។​ នៅ​ពេល​មក​ដល់​កន្លែង​នេសាទ​ នាង​និង​ប្អូន​របស់​នាង​បាន​រក​ត្រី​នៅ​ក្នុង​បឹង​មួយ​ បន្ទាប់​ពី​រកបាន​ត្រី​ប្អូន​របស់​នាង​បាន​ឡើង​ទៅ​លើ​មុន​ នាង​នៅ​ជាមួយ​ឪពុក​ ក្នុង​ពេល​នោះ​ដោយ​ឃើញ​នាង​នៅ​តែ​ម្នាក់ឯង​ដូចនេះ​ឪពុក​ក៏​បាន​បង្ខំ​នាង​ រំលោភ​រហូត​បាន​សម្រេច​។​

​ក្រោយ​ពី​ដឹង​ហេតុការណ៍​នេះ​ ម្តាយ​ក៏​បាន​ប្តឹង​សមត្ថកិច្ច​ លុះ​ព្រឹក​ឡើង​ថ្ងៃ​ទី​១៣​ ខែកក្កដា​ សមត្ថកិច្ច​បាន​ឃាត់ខ្លួន​តែ​ម្តង​ និង​បាន​កសាង​សំណុំរឿង​បញ្ជូន​មក​ស្នងការដ្ឋាន​នគរបាល​ខេត្តកំពង់ឆ្នាំង​ដើម្បី​ចាត់ការ​បន្ត​តាម​នីតិវិធី​ ៕​ ច​ន្ថា

kchanang-1

11752473_1886411931583423_8935456835048270412_n


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print