អន្តរជាតិ៖ បើយោងតាមកាអះអាងពីអង្គការសុខភាពពិភពលោក (WHO) កាលពីថ្ងៃអាទិត្យទី១៣ ខែកញ្ញា ឆ្នាំ២០២០ម្សិលមិញនេះ បានកត់ត្រាការកើនឡើងការឆ្លងជំងឺ COVID-19 ប្រចាំថ្ងៃដោយក្នុងរយៈពេល ២៤ ម៉ោងចុងក្រោយនេះ ករណីឆ្លងថ្មីមានចំនួន ៣០៧,៩៣០ករណី ។ ដោយនេះជាតួលេខឆ្លងប្រចាំច្រើនបំផុតនៅត្រឹមមួយថ្ងៃប៉ុណ្ណោះ ខណៈចំនួនអ្នកស្លាប់ បានកើនឡើងជាង ៥,៥០០នាក់ដែលធ្វើឱ្យចំនួនអ្នកស្លាប់ជាសកលបានកើនឡើងរហូតដល់ ៩១៧,៤១៧នាក់។
ចំពោះការកើនឡើងច្រើនបំផុតនៃករណីឆ្លងជំងឺ COVID-19 ត្រូវបានរាយការណ៍ថា៖ មាននៅក្នុងឥណ្ឌា អាមេរិក និងប្រេស៊ីល។ នៅទូទាំងពិភពលោក ករណីឆ្លងសរុប មានជាង២៨លានករណីដែលពាក់កណ្តាលនៃករណីទាំងនេះបានកើតឡើងនៅទ្វីបអាមេរិក។ នេះបើតាមការចេញផ្សាយរបស់ទីភ្នាក់ងារសារព័ត៌មាន BBC ។
សូមជម្រាបថា យោងតាមកត់ត្រាដោយ WHO បានបញ្ជាក់ថា ករណីឆ្លងប្រចាំថ្ងៃច្រើនជាងគេ គឺនៅថ្ងៃទី៦ ខែកញ្ញានៅពេលដែការរឆ្លងថ្មីមានចំនួន ៣០៦,៨៥៧ ករណី។
គួរបញ្ជាក់ដែរថា នៅថ្ងៃទី១៣ ខែកញ្ញាម្សិលមិញនេះ ប្រទេសឥណ្ឌាបានរាយការណ៍ពីករណីឆ្លងថ្មីចំនួន ៩៤,៣៧២ តាមពីក្រោយដោយបនអាមេរិកដែលមានចំនួនអ្នកឆ្លងថ្មី ៤៥,៥២៣នាក់ និងប្រទេសប្រេស៊ីលមានចំនួន ៤៣,៧១៨ នាក់។ ចំណែកឯក្នុងរយៈពេល ២៤ ម៉ោងកន្លងមកនេះ ចំនួនករណីស្លាប់ជាង១,០០០នាក់ ត្រូវបានកត់ត្រានៅអាមេរិកនិងឥណ្ឌា ខណៈប្រេស៊ីលមានមនុស្សចំនួន ៨៧៤ នាក់បានស្លាប់ដោយសារជំងឺ COVID-19 ៕ដោយ៖ស តារា
