នៅព្រឹកថ្ងៃទី​១៧ ខែកញ្ញា មានករណីបាញ់ប្រហារនៅទីក្រុង Philadelphia សហរដ្ឋអាមេរិក ដោយជនដៃដល់បានបាញ់ដល់ទៅ៥៥គ្រាប់​នៅទីសាធារណៈ​បណ្តាលឲ្យមនុស្ស​២នាក់ស្លាប់និង​២នាក់ទៀតរងរបួស​។
បណ្តាញទូរទស្សន៍ KYW-TV បានផ្សាយថា ការបាញ់ប្រហារ កើតឡើងនៅវេលាម៉ោង​២២ និង​៣០នាទី ថ្ងៃទី ១៦ខែកញ្ញា (ពេលវេលានៅអាមេរិក) ជិតតំបន់South 70th និង Reed Bird។ មន្ត្រីក្នុងតំបន់បានឲ្យដឹងថា មានមនុស្សម្នាក់ស្លាប់ និង​៧នាក់រងរបួស​។
ការបាញ់ប្រហារកើតឡើងនៅក្នុងពិធីជប់លៀង​ដែលមានមនុស្ស​ប្រមាណ៦០នាក់ចូលរួម ភាគច្រើនជាយុវវ័យ​ ហើយការបាញ់ប្រហារនោះបណ្តាលឲ្យមនុស្ស៤នាក់រងរបួស មានអាយុពី១៥-១៧ឆ្នាំ។ មន្ត្រីក្នុងតំបន់មិនបានផ្តល់អត្តសញ្ញាណជនរងគ្រោះស្លាប់​នៅឡើយទេ​។ មកទល់ពេលនេះ​មិនទាន់មានបុគ្គលណាមួយត្រូវបានចាប់ខ្លួនក្រោយការបាញ់ប្រហារខាងលើនោះឡើយ៕

ដោយ៖ ធី រីណា