ប្រទេសនីហ្សេរីយ៉ា៖ រថយន្តហោះដឹកសាំង បានផ្ទុះនៅភាគកណ្តាល​នៃប្រទេសនីហ្សេរីយ៉ា បណ្តាលឲ្យមនុស្ស​២៣នាក់ស្លាប់។ ហេតុការខាងលើ​កើតឡើងនៅតំបន់Lokoja រដ្ឋ​Kogi ភាគកណ្តាលនៃប្រទេសនីហ្សេរីយ៉ា​។
មន្ត្រីប៉ូលិសក្នុងតំបន់បានឲ្យដឹងថា ៖ នៅថ្ងៃទី​២៣ ខែកញ្ញា រថយន្តដឹកប្រេង មួយគ្រឿង​បានក្រឡាប់ហើយឆាប់ឆេះនៅលើដងផ្លូវ​មានមនុស្សធ្វើដំណើរច្រើន នៅតំបន់​ន់Lokoja រដ្ឋ​Kogi ។ ការផ្ទុះនោះបានសម្លាប់មនុស្ស​២៣នាក់ ។ កម្លាំងប៉ូលិសបានទៅដល់កន្លែងកើតហេតុភ្លាមៗដើម្បីគ្រប់គ្រងស្ថានភាព​និងស្រាវជ្រាវ ពីមូលហេតុបណ្តាលឲ្យគ្រោះថ្នាក់ខាងលើកើតឡើង​។
សារព័ត៌មាន​AFPបានផ្សាយថា ៖ រថយន្តស៊ីទែនដឹកសាំង​បានជួបហេតុការអាក្រក់ពេលកំពុងធ្វើដំណើរពីតំបន់Okeneឆ្ពោះទៅកាន់ តំបន់ភាគខាងជើង ប្រទេស នីហ្សេរីយ៉ា​។
មន្ត្រីក្នុងតំបន់បានឲ្យដឹងថា​៖ រថយន្តដឹកប្រេងសាំងតែងតែជួបឧបស័គ្គក្រឡាប់​ ដោយសារតែផ្លូវថ្នល់មិនល្អ ពិបាកក្នុងការធ្វើដំណើរ និងបើកបរ៕

ដោយ៖ ធី រីណា