ភ្នំពេញ៖ លោក ម៉ុង មុនីសោភា ចៅក្រមស៊ើបសួរនៃសាលាដំបូងរាជ ធានីភ្នំពេញបានថ្លែងប្រាប់អ្នកកាសែតថា លោកពិតជាបានចេញដីកាលើកលែង បទចោទប្រកាន់លើជនត្រូវចោទជា ថៅកែរោងពុម្ពម្នាក់ពីបទរំលោភសេព សន្ថវៈលើកុមារីជាអ្នកបម្រើក្នុងផ្ទះ កាល ពីរសៀលថ្ងៃទី១២ ខែមករា ឆ្នាំ២០១៦ នោះមែន ។
លោក ម៉ុងមុនី សោភា បានបង្ហាញ ពីមូលហេតុថា ការលើកលែងបទចោទ ប្រកាន់លើជនត្រូវចោទឈ្មោះ ប៊ុត ចាន់រ៉ា ភេទប្រុស អាយុ៣២ឆ្នាំ ជាថៅកែ រោងពុម្ពឯកជនមួយកន្លែងនៅផ្ទះលេខ ៥៦៧៨ ភូមិអូរ សង្កាត់អណ្ដូង១ ខណ្ឌ ច្បារអំពៅ គឺផ្អែកលើការធ្វើកោសល្យ វិច័យរបស់សមត្ថកិច្ចនិងភស្ដុតាងជា ច្រើនទៀត ។
បើតាមការឱ្យដឹងពីមន្ដ្រីនៃសាលា ដំបូងរាជធានីភ្នំពេញបានប្រាប់ថា ជន ត្រូវចោទឈ្មោះ ប៊ុត ចាន់រ៉ា ត្រូវបាន តុលាការចេញដីកាលើកលែងបទចោទ ប្រកាន់ ដើម្បីឱ្យមានសេរីភាពនៅក្រៅ ឃុំឡើងវិញហើយ កាលពីរសៀលថ្ងៃទី៨ ខែកុម្ភៈ ឆ្នាំ២០១៦ កន្លងទៅ ។
ប្រភពបន្ដថា ថៅកែរោងពុម្ពរូប នោះបានលែងលះប្រពន្ធដើមកាលពី៤ ទៅ៥ខែមុន ហើយយកក្មេងស្រីរងគ្រោះ ឈ្មោះ ស.អ.ស.ល អាយុ១៥ឆ្នាំ មករស់ នៅជាមួយឱ្យមើលថែកូន និងឪពុកចាស់ ប៉ុន្ដែថៅកែរូបនោះបែរជាប្រព្រឹត្ដអំពើមិនគប្បីចាប់រំលោភក្មេងស្រី ជាអ្នក បម្រើនៅក្នុងបន្ទប់បានសម្រេចនៅចន្លោះម៉ោង២ទៅម៉ោង៣រំលងអធ្រាត្រឈាន ចូលថ្ងៃទី១០ ខែមករា ឆ្នាំ២០១៦ នៅ ចំណុចខាងលើ ។
សមត្ថកិច្ចបន្ដថា ដោយមានពាក្យ បណ្ដឹងរបស់ម្ដាយកុមារីរងគ្រោះទើប សមត្ថកិច្ចឃាត់ខ្លួនថៅកែរូបនេះបញ្ជូនមកតុលាការចាត់ការតាមនីតិវិធីតែ ម្ដងទៅ ។
គេមិនដឹងថា តើការដោះលែងនេះ ស្របតាមនីតិវិធីឬយ៉ាងណានោះទេ នៅគ្រាដែលគេដឹងថា ភាគីក្មេងស្រីរង គ្រោះខ្វះខាតទាំងជីវភាពនិងស្មារតី ផ្នែកច្បាប់ ៕
ដោយ៖ ហេង នរិន្ទ្រ
