សារព័ត៌មាន New York Times បានដកស្រង់សម្ដីមន្ដ្រីជាន់ខ្ពស់អាមេរិកដែលមិនបញ្ចេញឈ្មោះបានឱ្យដឹងថា រយៈពេលកន្លងមកប្រទេសអារ៉ាប៊ីសាអ៊ូឌីតបានស្នើជាច្រើនលើករួចមកហើយឱ្យរុស្ស៊ីបញ្ចប់ការផ្ដល់ជំនួយដល់មេដឹកនាំស៊ីរីលោក អាល់អាសាដ ជាថ្នូរនឹង ការដោះដូរកាត់បន្ថយការផលិតប្រេង ដើម្បីជួយឱ្យតម្លៃប្រេងពិភពលោកឡើងថ្លៃដូចដើមវិញ ជួយកាត់បន្ថយការខាត បង់របស់រុស្ស៊ី ។
អារ៉ាប៊ីសាអ៊ូឌីតនិងអាមេរិកបានខិតខំឱ្យប្រធានាធិបតីស៊ីរីចុះចេញពីតំណែងដើម្បីបញ្ចប់អំពើហិង្សា សង្គ្រាមស៊ីវិល ដែលអូសបន្លាយ។ ប៉ុន្ដែដោយមានការ ជួយជ្រោមជ្រែងពីប្រទេសរុស្សី ទើបជួយ ដល់ប្រធានាធិបតី អាល់អាសាដ រក្សា តំណែងបានរហូតមកទល់ពេលនេះ។ ការ ដាក់គំនៀបរបស់អាមេរិកនិងសម្ពន្ធមិត្ដ អារ៉ាប់អាចធ្វើឱ្យរុស្ស៊ីកែប្រែគោលជំហរ បញ្ចប់ការគាំទ្រដល់ស៊ីរីក៏ដូចជាក្រុមផ្ដាច់ ទឹកដីនិយមនៅអ៊ុយក្រែន ។
សកម្មភាពខាងលើរបស់អាមេរិក និងសម្ពន្ធមិត្ដបានបង្ហាញយ៉ាងច្បាស់ថា ប្រសិនបើរុស្ស៊ីនៅតែមានសកម្មភាពខាង លើនឹងត្រូវប្រឈមការខាតបង់ជាបន្ដ ទៀត។ នៅពេលនេះរុស្ស៊ីកំពុងប្រឈម នៅវិបត្ដិយ៉ាងខ្លាំងបើមិនផ្លាស់ប្ដូរឥរិយាបទទេនោះនឹងលង់ក្នុងវិបត្ដិកាន់តែជ្រៅមិនអាចងើបរួច ។
កន្លងមកថ្មីធនាគារកណ្ដាលរបស់ រុស្ស៊ីបានបញ្ជាក់ថាប្រទេសរុស្ស៊ីនឹងខាតបង់ទឹកប្រាក់ប្រមាណ១៦០ពាន់លាន ដុល្លារសហរដ្ឋអាមេរិកទៅលើការនាំ ចេញប្រេងនៅក្នុងមួយឆ្នាំៗ ប្រសិនបើ តម្លៃរបស់វានៅតែស្ថិតក្នុងកម្រិតទាបបំផុត គឺ៤៥ដុល្លារក្នុង មួយបារ៉ែលនោះ ។
លោកស្រី អ៊ែលវ៉ឺរ៉ា ណាប៊ូលីណា ប្រធានធនាគារកណ្ដាលរុស្ស៊ីថា “ការ ធ្លាក់ចុះនៃតម្លៃប្រេងពី១០០ដុល្លារ ទៅ កាន់៤៥ដុល្លារ ក្នុង១បារ៉ែល នោះបើតាម ការគណនារបស់យើងវានឹងនាំឱ្យប្រាក់ ចំណូលបានមកពីការនាំចេញប្រេងនេះ ខាតបង់យ៉ាងអាក្រក់រហូតដល់១៦០ពាន់ លានដុល្លារសហរដ្ឋអាមេរិកនៅក្នុង មួយឆ្នាំ” ។
លោកស្រីបន្ដទៀតថា វាពិតជាការ ខាតបង់ដ៏ធំធេងណាស់ហើយគ្រប់គ្នាដឹង ហើយថា ការនាំចេញសរុបរបស់រុស្ស៊ី កន្លងមកបានគិតជាទឹកប្រាក់ប្រមាណ ៥០០ពាន់លានដុល្លារ សហរដ្ឋអាមេរិក ហើយការធ្លាក់ចុះនៃតម្លៃប្រេងដ៏គំហុក នេះវានឹងផ្ដល់ផលប៉ះពាល់យ៉ាងសម្បើម ដល់ស្ថិរភាពនៃការចំណាយព្រមទាំងសេដ្ឋ កិច្ចរុស្ស៊ីទាំងមូល ។
ទោះបីជាមានការធ្លាក់ចុះនៃតម្លៃ ប្រេងក៏ដោយ ប៉ុន្ដែអ្នកសេដ្ឋកិច្ចរុស្ស៊ីក៏ បានសម្លឹងឃើញនូវការធ្លាក់ចុះនៃអត្រាអតិផរណាផងដែរ ចាប់តាំងពីខែមករា ដើមឆ្នាំ២០១៥នេះមកហើយ វានឹងបន្ដ ធ្លាក់ចុះបន្ថែមទៀតនៅក្នុងឆ្នាំ២០១៦ នេះ ។
ក្រុមអ្នកវិភាគយល់ឃើញថា ទាំង នោះជាស្នាដៃរបស់លោកពូទីនតែមួយ គតដែលបានធ្វើឱ្យសេដ្ឋកិច្ចជាតិប្រឈម វិបត្ដិយ៉ាងខ្លាំង។ ប្រសិនបើលោក ពូទីន មិនកែប្រែនយោបាយឱ្យបានសមស្រប ទេនោះនឹងត្រូវប្រវត្ដិសាស្ដ្ររុស្ស៊ីចារទុកថា ជាមេដឹកនាំដែលមានឥទ្ធិពលបំផុត លើពិភពលោកក៏ជាបុគ្គលធ្វើឱ្យរុស្សីជួបនិងវិបត្ដិសេដ្ឋកិច្ច ។
តម្លៃប្រេងធ្លាក់ចុះប៉ះពាលយ៉ាងខ្លាំងដល់ប្រទេសអាស្រ័យប្រេងដូចរុស្ស៊ីនិង វេណាហ្ស៊ូអេឡាជាដើម។ កន្លងមកក្រុម ហ៊ុនប្រេងជាតិវេណេហ្ស៊ូអេឡា PDVSA បានប្រកាសថា ប្រទេសចំនួន៧ក្នុង ចំណោមប្រទេស១៣ជាសមាជិករបស់អង្គការនាំប្រេងចេញច្រើនបំផុតលើពិភព លោកឿភជែបានគាំទ្រសំណើរជួបប្រជុំជាបនទាន់ដើម្បីធ្វើឱ្យតម្លៃប្រេងឡើថ្លៃវិញ ។
រដ្ឋមន្ដ្រីទទួលបន្ទុកថាមពលប្រេង របស់វេណេហ្សូអេឡាលោក Eulogio Del Pino បានប្រកាសពីព័ត៌មានខាង លើក្រោយពេលដែលលោកបានបំពេញទស្សនកិច្ចទៅកាន់ប្រទេសរុស្ស៊ី កាតា អ៊ីរ៉ង់ និងអារ៉ាបីសាអ៊ូឌីត។ លោក Pino បញ្ជាក់ថា ប្រទេសជាច្រើនមានបំណង ចង់ឱ្យមានសកម្មភាពរួមដើម្បីធ្វើឱ្យ តម្លៃប្រេងនៅលើពិភពលោកកើនឡើងដូចដើមវិញ។ បច្ចុប្បន្នតម្លៃប្រេងទាប បំផុត ធ្វើឱ្យប្រទេសដែលផលិតប្រេង ទទួលរងការខាតបង់ជាច្រើន ។
វេណេហ្ស៊ូអេឡាជាប្រទេសនាំប្រេង ចេញលំដាប់ទី៥នៅលើពិភពលោក បានអំពាវនាវដល់ OPEC កោះប្រជុំជា បន្ទាន់ដើម្បីរកវីធីសាស្ដ្រជួយស្ដាតម្លៃ ប្រេងឡើងវីញ ក្រោយពេលបានធ្លាក់ថ្លៃ ជាប្រវត្ដិសាស្ដ្រ ចំណែកការផ្គតផ្គងចេះ តែកើនឡើងធ្វើឱ្យតម្លៃមិនអាចឡើងថ្លៃវិញបាន។ ក្រៅពីអ៊ីរ៉ង់ទទួលបានការលើក លេងទណ្ឌកម្មក្រោយកិច្ចព្រមព្រៀង បរមាណូ អ៊ីរ៉ង់ក៏បាននាំចេញប្រេងទៅ កាន់ទីផ្សាពិភពលោកជាច្រើនទៀតធ្វើឱ្យតម្លៃប្រេងដាំក្បាលចុះរហូតដល់ក្រោម៣០ដុល្លារក្នុងមួយបារ៉ែល។
តាមក្រុមអ្នកឯកទេស ប្រសិនបើ ប្រទេសជាសមាជិក OPEC ទាំង១៣ កាត់បន្ថយការនាំចេញប្រេងនោះតម្លៃ នឹងកើនឡើងវិញជាមិនខាន។ ប៉ុន្ដែពិការ ក្នុងការសម្រេចប្រសិនបើគ្មានការយល់ព្រមពីប្រទេសអារ៉ាបីសាអ៊ូឌីត និងប្រទេស នាំចេញប្រេងសំខាន់ទៀត។ គួរបញ្ជាក់ ផងដែរថា កន្លងមកអារ៉ាប៊ីសាអ៊ូឌីត ធ្លាប់បានប្រកាសថា និងមិនកាត់បន្ថយ ការនាំប្រេងចេញទៅក្រៅឡើយបើទោះតម្លៃធ្លាក់ចុះក៏ដោយ ។
កាលពីឆ្នាំ២០១៥ វេណេហ្ស៊ូអេឡា ក៏បានស្នើរឱ្យ OPEC កាតបន្ថយការ ផលិតរបស់ខ្លួន ប៉ុន្ដែមិនបានសម្រេចធ្វើ ឱ្យតម្លៃប្រេងកាន់តែធ្លាក់ចុះបន្ដបន្ទាប់។ ប្រទេសដែលមានសេដ្ឋកិច្ចជាតិអាស្រ័យ លើការនាំចេញប្រេងដូចវេណេហ្ស៊ូអេឡា រុស្ស៊ីជាដើមទទួលរងការខាត់បង់រាប់ សិបពាន់លានដុល្លារក្នុងមួយឆ្នាំៗដោយសារតែប្រេងធ្លាក់ថ្លៃ ។
មួយវិញទៀតតម្លៃប្រេងមិនអាចឡើង ថ្លៃវិញនោះគឺដោយសារតែមានអ្នកផ្គត់ផ្គងថ្មី២ទៀត ដែលមានប្រេងមហាសាល នោះគឺអ៊ីរ៉ង់និងអាមេរិក។ កាលពីចុង ខែធ្នូ ឆ្នាំ២០១៥ សភាអាមេរិកបានអនុ ម័តឱ្យអាមេរិកលក់ប្រេងចេញទៅក្រៅ ប្រទេសជាលើកដំបូងក្នុងរយៈពេល៤០ឆ្នាំ កន្លងមក។ អាមេរិកមានប្រេងយ៉ាង ច្រើនរហូតដល់ជីករណ្ដៅយកប្រេងទៅ គប់ទុកក្រោមដីទៀតផង។ ការលក់ប្រេង ចេញរបស់អាមេរិកមិនមានគោលដៅ សេដ្ឋកិច្ចនោះឡើយគឺជា នយោបាយ ទៅវិញដោយអាមេរិកចង់ធ្វើបាបប្រទេស ដែលចេះតែរឹងរុសជាមួយអាមេរិកដូចជាវេណេហ្ស៊ូអេឡា និងរុស្ស៊ីជាដើមហើយ សេដ្ឋកិច្ចប្រទេសនោះរសបានអាស្រ័យ ប្រេងតែមួយមុខគត់ ៕
ប្រែសម្រួល៖ ម៉ែវ សាធី
