ខេត្តរតនគិរី៖ រថយន្តមេបញ្ជាការស្រុកអណ្តូងមាសបុកម៉ូតូចំពីមុខពេញទំហឹងទៅលេីក្មេងសិស្សសាលាគ្រូយេីងម្នាក់អូសចំងាយ៥៧ម៉ែត្របណ្តាលឱ្យក្មេងសិស្សសាលានោះរងរបួសធ្ងន់បញ្ជូនសង្រ្គោះបន្ទាន់នៅមន្ទីរពេទ្យបង្អែកខេត្តភ្លាមៗ។

ហេតុកាណ៍គ្រោះថ្នាក់ចរាចណ៍នេះបានកេីតឡេីងនៅវេលាម៉ោង១១នឹង១៥នាទីព្រឹកថ្ងៃទី១៥ ខែកុម្ភៈ ឆ្នាំ២១៦នៅត្រង់ចំណុចផ្លូវបំបែកជាបួនក្បែរស្នងការដ្ឋាននគបាលខេត្ត ស្ថិតក្នងភូមិទេសអន្លុង សង្កាត់ឡាបានសៀក ក្រុងបានលុង។

យោងតាមប្រភពពីនគបាលចរាចរណ៍ផ្លូវគោកបានឱ្យដឹងថាជនរងគ្រោះមានឈ្មោះឡោម ប៊ុន្នីភេទប្រុស អាយុ១៦ឆ្នាំ ជាសិស្សសាលាគ្រូយេីង ជិះម៉ូតូម៉ាកC១២៥សេរីឆ្នាំ២០១៥ពណ៌ខ្មៅពាក់ស្លាកលេខរតនគិរី១B.០៩៩១។

ប្រភពបន្តទៀតថាក្មេងសិស្សសាលានោះជិះម៉ូតូចេញពីសាលារៀនក្នុងទិសដៅពីលិចទៅកេីតក្នុងល្បឿនយ៉ាងលឿនមកដល់ចំណុចកេីតហេតុខាងលើក៏វាក់និងរថយន្តបេីកក្នងល្បឿនលឿនដូចគ្នាក៏បុកពេញទំហឹងតែម្តង។

រថយន្តនោះម៉ាកវីហ្គោពណ៌ស្លាបក្អែកពាក់ស្លាក់លេខខេមរភូមិន្ទ០២.២-២២១១បេីកបរក្នុងទិសដៅពីត្បូូងទៅជេីងបុកពេញទំហឹងបណ្តាលឱ្យមនុស្សខ្ទាតចេញពីរថយន្តមានពាក់មួកសុវត្ថិភាពផងដែរ បានរងរបួសធ្ងន់។

ចំណែកម៉ូតូជាប់នៅក្រោមរថយន្តអូសចំងាយ៥៧ម៉ែត្រចំពីមុខផ្លូវចូលការិយាល័យចរាចរណ៍នៃស្នងការដ្ឋាននគរបាលខេត្តទើបអស់ល្បឿនអ្នកបេីកបរបានបេីកទ្វារថយន្តរត់គេចខ្លួនបាត់ប៉ុន្តែ ពំុបានស្គាល់អត្តសញាណអ្នកបើកបរនោះទេគ្រាន់តែដឹងថាជារថយន្តរបស់លោកមេបញ្ជាការស្រុកអណ្តូងមាស។

បន្ទាប់ពីកេីតហេតុសមត្ថកិច្ចចរាចរណ៍ជើងគោកបានធ្វេីការបញ្ជូនជនរងគ្រោះទៅសង្គ្រោះនៅមន្ទីរពេទ្យបង្អែកខេត្តនិងធ្វេីការវាស់វែងយកម៉ូតូនិងរថយន្តរក្សារទុកនៅការិយាល័យចរាចរណ៍ផ្លវគោកនៃស្នងការនគបាលខេត្តធ្វេីកំណត់ហេតុដោះស្រាយតាមពេលក្រោយ៕

ដោយ៖ វុទ្ធ ឦសាន្ត