ភ្នំពេញ៖ រថយន្តចតចម្ងាយមិនដល់២០ម៉ែត្រពីមន្ទីរសម្ភពសោភាផងត្រូវចោរលួចយកបាត់ និងព្រហើនបំផុត សង្ស័យថា តិចមានខ្មោចក្នុងនៅទីនោះអោយដៃទៅ?

ហេតុការណ៍បាត់រថយន្តនេះបានកើតឡើងកាលពីវេលាម៉ោង២០.៣០នាទីថ្ងៃទី១៥/០២/១៦នៅចំនុចផ្លូវ១៤១ កែង ២៣២ ជិតសម្ភពសោភា សង្កាត់វាលវង់ ខណ្ឌ៧មករា ។

សមត្ថកិច្ចបានអោយដឹងថាៈ ជនរងគ្រោះឈ្មោះហ៊ី សារ៉េត ភេទ ប្រុស អាយុ ៤៤ ឆ្នាំ ជនជាតិខ្មែរ មុខរបរ ទីប្រឹក្សាអគ្គលេខាធិការដ្ឋានព្រឹទ្ធសភា មានទីលំនៅផ្ទះលេខ៣E ផ្លូវលំ សង្កាត់ទួលសង្កែ ខណ្ឌឫស្សីកែវ ។

សមត្ថកិច្ចបន្តថា សម្ភារៈបាត់បង់រួមមាន៖ -រថយន្ត០១គ្រឿងម៉ាកកាមរីបាឡែនពណ៌ទឹកប្រាក់ លេខ ភ្នំពេញ2S- 4451 នៅក្នុងរថយន្តមាន អាវុធខ្លី០១ដើមម៉ាកk 59 និងឯកសារ ផ្សេងៗទៀតជាច្រើន ។ មុនពេលកើតហេតុកាលពីម៉ោង១៩.៣០នាទីថ្ងៃទី១៥/០២/១៦ ជនរងគ្រោះបើករថយន្តរបស់ខ្លួនទៅមើលប្អូនឆ្លងទន្លេនៅសម្ភពសោភា ពេលទៅដល់ មានសន្តិសុខរបស់សម្ភព បានបញ្ជាអោយជនរងគ្រោះបើករថយន្ត ទៅចតនៅផ្លូវ១៤១ កែង ២៣២ ចម្ងាយប្រហែល២០ម៉ែត្រពីសម្ភពសោភា តែគ្មានបណ្ណ័ផ្ញើររថយន្តទេបន្ទាប់មកជនរងគ្រោះបានដើរចូលឡើងទៅមើលប្អូននៅបន្ទប់លេខ៧២៩ ក្នុងសម្ភព លុះដល់ម៉ោងប្រហែល ២០.១០នាទីជនរងគ្រោះចេញពីសម្ភពសោភាវិញដើរសំដៅទៅកន្លែងចតរថយន្តរបស់ខ្លួនស្រាប់តែបាត់ ៕

ដោយ៖ សុខ ខេមរា