ភ្នំពេញ៖ ដុតសំរាមបង្ករជាផ្សែងខ្មួលខ្មាញ់ងងឹតពេញមេឃបណ្តាលអោយផ្អើលដល់ប្រជាពលរដ្ឋនិងសមត្ថកិច្ចចុះមកអន្តរាគមន៍។ហេតុការណ៍ភ្ញាក់ផ្អើលខាងលើនេះបានកើតឡើងកាលពីវេលាម៉ោង១១និង១០នាទីយប់ថ្ងៃទី១៥ខែកុម្ភៈឆ្នាំ២០១៦ស្ថិតតាមបណ្តោយផ្លូវ២៧១ក្នុងភូមិ៦សង្កាត់ផ្សារដើមថ្កូវខណ្ឌចំការមន។
តាមប្រភពពត៌មានពីប្រជាពលរដ្ឋដែលរស់នៅម្តុំកន្លែងកើតហេតុបានអោយដឹងថាពួកគាត់បានធុំក្លឹនឆ្ងៀមមួយសន្ទុះក្រោយមកក៏ឃើញមានផ្សែងខ្មួលខ្មាញ់ងងឹតពេញមេឃចេញពីខាងក្រោយផ្ទះដែលមានយីហោថា ៨មិនាសាលាបង្រៀនបើកបររថយន្តតូចធំតាមបណ្តោយផ្លូវ២៧១ក្នុងភូមិ៦សង្កាត់ផ្សារដើមថ្កូវខណ្ឌចំការមន។ ទើបធ្វើអោយពួកគាត់ភ័យស្លន់ស្លោខ្លាចអគី្គភ័យឆាបឆេះដល់ផ្ទះរបស់ពួកគាត់ប៉ុន្តែពេលដែលសមត្ថកិច្ចមកដល់ចុះពិនិត្យមើគឺមិនមានអគ្គីភ័យឆាបឆេះដល់ផ្ទះរបស់ប្រជាពលរដ្ឋនោះទេពោលគឺអគ្គីភ័យឆាបឆេះសំរាមដែលគេទុកចោលនៅក្នុងរណ្តៅព័ទ្ធបេតុងជុំវិញមិនបានឆាបឆេះរាលដាលដល់ផ្ទះរបស់ប្រជាពលរដ្ឋនៅជិតខាងនោះទេ។
ក្រោយពេលកើតហេតុសមត្ថកិច្ចបានបានស្តីបន្ទោសដោយប្រយ៉ោលព្រោះមិនដឹងថាអ្នកណាជាអ្នកដុត(អត់ការងារធ្វើទេអីធ្វើអោយផ្អើលគេផ្អើលឯង)ហើយសមត្ថកិច្ចក៏ត្រឡប់ទៅកន្លែងឈរជើងតាមគោលដៅរាងៗខ្លួន៕
ដោយ៖ ជីម ភារ៉ា ដង្កោ
