ខេត្ដបាត់ដំបង៖ ទីតាំងខារ៉ាអូខេមួយ កន្លែងស្ថិតក្នុងភូមិព្រែកព្រះស្ដេច ក្រុង បាត់ដំបងបាននិងកំពុងពង្វក់ស្មារតី សិស្សានុសិស្សនិងយុវវ័យស្រីប្រុសជា ច្រើននាក់ឱ្យភ្លេចការសិក្សាភ្លេចទាំង ចូលសាលារៀនដោយនាំគ្នាទៅប្រមូលផ្ដុំច្រៀងរាំសប្បាយទៅវិញទាំងព្រឹកក៏ មាន ។
បើតាមប្រភពពីប្រជាពលរដ្ឋបានឱ្យដឹងថា ផ្ទះបើកអាជីវកម្មខារ៉ាអូខេមួយ នោះគឺគ្មានច្បាប់ដែលចេញដោយអាជ្ញា ធរនោះទេនិងមានទីតាំងជាប់របងសាលា បឋមសិក្សាព្រែកព្រះស្ដេចតែម្ដង ។ គេកត់សម្គាល់ឃើញថា ជារៀងរាល់ ថ្ងៃមានសិស្សឯកសណ្ឋានក៏ដូចជាយុវ វ័យជាច្រើននាក់បាននាំគ្នាពពាក់ពពូន ប្រមូលផ្ដុំចូលច្រៀងសប្បាយថែមទាំង ជះសំឡេងមកខាងក្រៅប៉ះពាល់ដល់ការសិក្សារបស់សិស្សនិងអ្នករស់នៅក្បែរ ខាងទៀតផង ។
ឆ្លើយតបទៅកាន់ប្រជាពលរដ្ឋម្ចាស់ទីតាំងខារ៉ាអូខេខាងលើលោក សៀង ឯម វ៉ូនស្ហីអភិបាលក្រុងបាត់ដំបងបានឱ្យដឹងថា រឿងនេះលោកមិនបានដឹងទេ សួរទៅ ខាងលោកចៅសង្កាត់ទៅទើបដឹងច្បាស់។ ចំណែកលោក តោ ហុន ចៅសង្កាត់ ព្រែកព្រះស្ដេចក៏បានឱ្យដឹងដែរថា ផ្ទះ អាជីវកម្មខារ៉ាអូខេខាងលើមិនមានច្បាប់ ទម្លាប់ទេ ព្រោះបើសិនជាមានច្បាប់ ទម្លាប់ត្រឹមត្រូវគឺត្រូវឆ្លងកាត់លោក ហើយ។ លោកបន្ថែមថា លោកនឹង ប្រមូលធ្វើឯកសារជូនទៅថ្នាក់លើដើម្បីចាត់វិធានការនៅពេលឆាប់ៗនេះ ។
អាណាព្យាបាលសិស្សក៏ដូចជាប្រជាពលរដ្ឋរស់នៅក្បែរហាងខារ៉ាអូខេនេះរំពឹង ថា អាជ្ញាធរនឹងពិនិត្យមើលហាងខារ៉ា អូខេនេះឡើងវិញ។ បើទោះជាមានច្បាប់ ឬគ្មានច្បាប់ក៏គ្មានពិនិត្យមើលទីតាំងដែល នៅក្បែរសាលារៀននោះផង ៕
ដោយ៖ ហេង នរិន្ទ្រ
