ខេត្ដប៉ៃលិន៖ ប្រជាពលរដ្ឋរស់នៅ តាមបណ្ដោយផ្លូវជាតិលេខ៥៧បាន សម្ដែងក្ដីព្រួយបារម្ភចំពោះសុវត្ថិភាព ខណៈឃើញរថយន្ដចង្កូតស្ដាំរបស់ឈ្មួញ ថៃដែលបើកបរចូលមកបេះផ្លែតាង៉ែន បានដឹកកម្មកររួមទាំងអីវ៉ាន់សំពីងសំពោង ពុំឃើញមានសមត្ថកិច្ចផាកពិន័យឱ្យតឹង រឹងឡើយ ពោលគឺគ្រាន់តែផាកយកលុយ ហើយអនុញ្ញាតឱ្យបន្ដដំណើរយ៉ាងរលូន។
បើតាមប្រភពពីប្រជាពលរដ្ឋបាន លើកឡើងថា នគរបាលចរាចរមិន គួរមើលរំលងចំពោះរថយន្ដថៃដែលច្នៃ ធ្វើទ្រុងខ្ពស់ត្រដែតដឹកមនុស្សរាប់សិប នាក់និងសម្ភារដូចជាទម្ពក់បេះផ្លែតាង៉ែន និងកន្ដ្រកផ្សេងៗនៅលើរថយន្ដយ៉ាង សំពីងសំពោងបែបនេះទេ។ ព្រោះថា បើ សិនជារថយន្ដនោះបែកកង់ប្រាកដជាបុក ឬប៉ះជាមួយរថយន្ដផ្សេងទៀតបង្កឱ្យអ្នកនៅលើដំបូលរងគ្រោះថ្នាក់ជាមិនខាន។
ពលរដ្ឋបញ្ជាក់ទៀតថា ករណីមួយ នេះក៏ធ្លាប់ឃើញខាងនគរបាលចរាចរ ជើងគោកខេត្ដប៉ៃលិនឃាត់រថយន្ដទាំង នោះទុកដែរនៅពេលបើកបរដឹកមនុស្សលើដំបូលច្រើន។ ប៉ុន្ដែក្រោយពីម្ចាស់រថ យន្ដឱ្យលុយរួចហើយនគរបាលក៏បើកឱ្យធ្វើដំណើរចូលយ៉ាងរំភើយទៅវិញ។
លោកវរសេនីយ៍ត្រី ប្រាក់ វិគុណ នាយផ្នែកចរាចរជើងគោកខេត្ដបាន ឱ្យដឹងថា ខាងលោកធ្លាប់អប់រំណែនាំដល់ ម្ចាស់រថយន្ដទាំងនោះជាញឹកញាប់ដែរ ដើម្បីកុំឱ្យដឹកមនុស្សលើដំបូលរថយន្ដ ហើយថែមទាំងផាកពិន័យថែមទៀតផង លុះក្រោយមកក៏ឃើញដឹកដូចពីមុន ដដែល។
លោកថា ជារៀងរាល់ថ្ងៃបើលោក ឃើញបែបដូច្នោះទៀតលោកនឹងឱ្យ សមត្ថកិច្ចហៅម្ចាស់ឬថៅកែរថយន្ដទាំង នោះធ្វើកិច្ចសន្យាឱ្យរាងចាលជាក់ជាមិនខាន ៕
ដោយ៖ ហេង នរិន្ទ្រ
