ខេត្តសៀមរាប៖ នគរបាលខេត្តសៀមរាបបានចុះបង្ក្រាបទីតាំងល្បែងស៊ីសងខុសច្បាប់ កាលពីវេលាម៉ោង២រសៀល ថ្ងៃទី១៦ ខែកុម្ភៈ ឆ្នាំ២០១៦ ឃាត់ខ្លួនមនុស្ស២នាក់បញ្ជូនទៅតុលាការ ។
ការចុះបង្ក្រាបទីតាំងល្បែងស៊ីសងកន្ទុយលេខ២ទីតាំងធំៗផ្សេងគ្នា ដោយបានឃាត់ខ្លួន មេឆ្នោត ចំនួន២នាក់។
ទីតាំងទី១ មានឈ្មោះ អេង ចំរើន ភេទប្រុស អាយុ៣២ឆ្នាំ ស្ថឹតក្នុងភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប ។
ទីតាំងទី០២ មានឈ្មោះ យិន វណ្ណនី ភេទ ស្រី អាយុ ៥២ឆ្នាំ ស្ថឹតក្នុងភូមិកក្រាញ់ សង្កាត់សៀមរាប ក្រុងសៀមរាប អ្នកទាំង០២ជាម្ចាស់ទីតាំង ។
ជនសង្ស័យទាំង២នាក់ត្រូវកសាងសំណុំរឿងបញ្ចូនទៅតុលាការ នាថ្ងៃទី១៧ ខែកុម្ភៈ ឆ្នាំ២០១៦ ។
លោកវរសេនីយ៍ឯកភឹង ចិន្តារ៉េត នាយការិយាល័យព្រហ្មទណ្ឌកំរិតស្រាល បានអំពាវនាវដល់ប្រជាពលរដ្ឋ ដែលកំពុងលួចលាក់ ប្រកបមុខរបរមេឆ្នោត សូមដកខ្លួនចេញជាបន្ទាន់ ព្រោះវាជា អំពើខុសច្បាប់ ៕
ដោយ៖ ប៊ុន រិទ្ធី
