ជាថ្មីម្តងទៀត! ប្រមុខដឹកនាំ WHO អះអាងថា៖ ថ្នាំរ៉េមដេស៊ីវា មិនមានប្រសិទ្ធភាពគ្រប់គ្រាន់សម្រាប់ព្យាបាលអ្នកជំងឺ COVID-19 នោះទេ

ចែករំលែក៖

អន្តរជាតិ៖ នៅថ្ងៃសុក្រទី២០ ខែវិច្ឆិកា ឆ្នាំ២០២០នេះ ជាថ្មីម្តងទៀត លោក Tedros Adhanom Ghebreyesus ប្រធានអង្គការសុខភាពពិភពលោក (WHO) បានផ្ដល់អនុសាសន៍ថា ថ្នាំរ៉េមដេស៊ីវា (Remdesivir) មិនគួរត្រូវបានប្រើប្រាស់សម្រាប់ព្យាបាលអ្នកជំងឺ COVID-19 មិនថា អ្នកជំងឺនោះមានរោគសញ្ញាធ្ងន់ធ្ងរប៉ុណ្ណានោះទេ ដោយសារតែថ្នាំប្រភេទនេះ «មិនមានប្រសិទ្ធភាពគ្រប់គ្រាន់» ក្នុងការជួយសង្រ្គោះជីវិតមនុស្សឡើយ។

ប្រមុខអង្គការ WHO ការផ្ដល់អនុសាសន៍នេះ បានធ្វើឡើងដោយផ្អែកលើការធ្វើតេស្ដដោយប្រើប្រាស់ថ្នាំ Remdesivir ព្យាបាលអ្នកជំងឺCOVID-19 ច្រើនជាង ,០០០នាក់។ ជាមួយគ្នានេះ WHO បានទទួលស្គាល់ថា អនុសាសន៍របស់ខ្លួនមិនមែនមានន័យថា ថ្នាំ remdesivir មិនមានផលប្រយោជន៍ទាល់តែសោះ សម្រាប់អ្នកជំងឺនោះឡើយ ប៉ុន្តែផ្អែកលើលទ្ធផលនៃការធ្វើតេស្ដ, តម្លៃ និងមធ្យោបាយដឹកជញ្ជូន គេមិនគួរប្រើប្រាស់ថ្នាំប្រភេទនេះ ជាវិធីសាស្ត្របន្ថែមពីលើការថែទាំជាធម្មតា ដើម្បីព្យាបាលអ្នកជំងឺ COVID-19 នោះឡើយ។

សូមជម្រាបថា ប្រធានាធិបតីអាមេរិកលោក ដូណាល់ ត្រាំ ក៏ធ្លាប់ប្រើប្រាស់ថ្នាំ Remdesivir ព្យាបាលកំឡុងលោកឆ្លង COVID-19 ផងដែរ។ ខណៈសហរដ្ឋអាមេរិក និងសហភាពអឺរ៉ុប រួមទាំងបណ្ដាប្រទេសមួយចំនួនទៀត បានអនុញ្ញាតឱ្យប្រើប្រាស់ថ្នាំ Remdesivir ជាបណ្ដោះអាសន្នសម្រាប់ព្យាបាលអ្នកជំងឺ COVID-19 បន្ទាប់ពីការសិក្សាស្រាវមួយបង្ហាញថា ថ្នាំនេះអាចនឹងព្យាបាលអ្នកជំងឺ COVID-19 ជាសះស្បើយបានឆាប់រហ័សជាងវិធីព្យាបាលទូទៅ។

គួរបញ្ជាក់ថា យ៉ាងណាមិញ អង្គការ WHO ដោយផ្អែកលើការសិក្សាលើអ្នកជំងឺច្រើនជាង ១១,០០០នាក់ នៅក្នុងប្រទេសចំនួន ៣០ បានអះអាងថា ថ្នាំប្រឆាំងវីរុស Remdesivir របស់ក្រុមហ៊ុនអាមេរិក ជីលីដ (Gilead Sciences) មួយនេះ មិនអាចកាត់បន្ថយរយៈពេលនៃព្យាបាលអ្នកជំងឺក្នុងមន្ទីរពេទ្យ ឬក៏បង្កើនឱកាសខ្ពស់ក្នុងការរក្សាជីវិតអ្នកជំងឺឆ្លង COVID-19 ជាងថ្នាំព្យាបាលដទៃៗទៀតនោះឡើយ៕ដោយ៖ស តារា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print