ខេត្ដព្រះសីហនុ៖ កម្មករម្នាក់បម្រើ ការងារនៅក្នុងសណ្ឋាគារសុខារបស់ក្រុម ហ៊ុនលោកឧកញ៉ា សុខ គង់ បានស្លាប់ យ៉ាងអាណោចអធ័មគ្រាដែលឡើងជួសជុលបំពង់ទឹកក្ដៅសម្ងួតខោអាវហើយ បានបាក់កាំជណ្ដើរធ្លាប់បាក់.កនៅលើ ឥដ្ឋ ។
ករណីនេះត្រូវបានគេបង្ហើបឱ្យដឹងថា បានកើតឡើងកាលពីវេលាម៉ោង៩និង ៣០នាទីព្រឹកថ្ងៃទី១៦ ខែកុម្ភៈ ឆ្នាំ២០១៦ តែហេតុការណ៍នេះមិនត្រូវបានផ្សព្វ ផ្សាយចេញមកក្រៅនោះឡើយ។ ការមិន មានព័ត៌មានខ្ចល់ខ្ចាយក៏ព្រោះតែអ្នក គ្រប់គ្រងនៅសណ្ឋាគារមួយនេះបាន ព្យាយាមបិទបាំងព័ត៌មានដែលសូម្បី ក្រុមគ្រួសារជនរងគ្រោះក៏មានការភ្ញាក់ផ្អើលផងដែរនៅពេលខាងក្រុមហ៊ុនដឹកសាកសពទៅដល់លំនៅឋាន ។
បើតាមស្ដ្រីឈ្មោះ សយ ពៅ អាយុ ៤២ឆ្នាំ ជាភរិយាជនរងគ្រោះបានប្រាប់ ឱ្យដឹងនៅព្រឹកថ្ងៃទី១៧ កុម្ភៈ ថា ជនរង គ្រោះជាប្ដីដែលស្លាប់ឈ្មោះ ញ៉ែម អ៊ុល អាយុ៣៤ឆ្នាំ រស់នៅក្រុមទី១ ភូមិ១ សង្កាត់លេខ៣ ក្រុង-ខេត្ដព្រះសីហនុ ។ ភរិយាជនរងគ្រោះខាងលើនេះបានបញ្ជាក់ ថា គាត់មានការភ្ញាក់ផ្អើលនិងតក់ស្លុត យ៉ាងខ្លាំងពេលដែលគេដឹកសាកសពប្ដី របស់កាត់មកដល់ផ្ទះ ។ នៅពេលនោះ គេបានប្រាប់ថាប្ដីរបស់គាត់ជួបឧប្បទ្ទេវ ហេតុបាក់កាំជណ្ដើរធ្លាក់ស្លាប់ពេលឡើង ជួសជុលបំពង់សម្ងួតខោអាវ ។ ភរិយា ជនរងគ្រោះបានបន្ដថា ចំពោះករណីនេះ ខាងក្រុមហ៊ុនបានប្រាប់និងសន្យាឱ្យគាត់ចាត់ចែងរៀបចំធ្វើបុណ្យ ហើយរាល់ការ ចំណាយចាំយកវិក័យបត្រទៅឱ្យគេៗជាអ្នកទួទាត់ទាំងអស់។ ក៏ប៉ុន្ដែមកដល់ថ្ងៃរុះ រោងបញ្ចប់ពិធីបុណ្យទៅហើយមិនឃើញ គេយកលុយមកប្រគល់ឱ្យដើម្បី១សេន ។
បើតាមប្រភពនៅកន្លែងកើតហេតុ គេបានបង្ហើបឱ្យដឹងថា ករណីធ្លាក់កម្ម ករស្លាប់នេះសមត្ថកិច្ចក្រោយពីធ្វើកោ សល្យវិច័យបានសន្និដ្ឋានថាពិតជាបាក់ កាំជណ្ដើរធ្លាក់ជនរងគ្រោះស្លាប់ពិតមែន។ តែការសន្និដ្ឋានបែបនេះត្រូវបានអ្នកដឹងរឿងប្រាប់ឱ្យដឹងថាជាការមិនត្រឹមត្រូវ ទេព្រោះជនរងគ្រោះធ្លាក់ពីលើកាំជណ្ដើរមកនោះមានកម្ពស់ត្រឹមតែជាង៣ម៉ែត្រប៉ុណ្ណោះ ។
បើតាមប្រភពព័ត៌មានពីកម្មករបម្រើ ការងារនៅក្នុងសណ្ឋាគារមួយនេះឱ្យដឹងថា ជនរងគ្រោះ តាមពិតជាសន្ដិសុខ យាមការពារនៅសណ្ឋាគារនេះប៉ុណ្ណោះ។ មុនពេលកើតហេតុមេការគ្រប់គ្រង សណ្ឋាគារបានប្រើឱ្យជនរងគ្រោះឡើង ទៅតខ្សែភ្លើងនៅកន្លែងសម្ងួតខោអាវ មិនមែនជួលជុលបំពង់សម្ងួតខោអាវទេ ហើយចៃដន្យក៏ឆក់ចរន្ដអគ្គិសនីបណ្ដាលឱ្យធ្លាក់មកលើឥដ្ឋបាក់.កស្លាប់តែម្ដង ព្រោះជនរងគ្រោះមិនមានជំនាញតខ្សែ ភ្លើងក្រៅពីការងារការពារសន្ដិសុខ របស់ខ្លួនឡើយ ។ ដូច្នេះការសន្និដ្ឋាន របស់សមត្ថកិច្ចហាក់មានភាពមិនប្រ ក្រតី ។
ទាក់ទិននឹងករណីនេះលោក កុល ផាលី ស្នងការរងខេត្ដព្រះសីហនុទទួល បន្ទុកព្រហ្មទណ្ឌបានឱ្យដឹងតាមទូរស័ព្ទ នៅ*រសៀលថ្ងៃទី១៧ កុម្ភៈ ថា ពិតជាមាន ករណីកម្មករបម្រើការងារនៅសណ្ឋាគារ សុខាស្លាប់មែន តែលោកពុំបានបញ្ជាក់ ពីមូលហេតុច្បាស់លាស់នោះទេ។ លោក ស្នងការរងរូបនេះបានឱ្យដឹងទៀតថា ការ ស្លាប់របស់ជនរងគ្រោះគឺជាការគ្រោះ ថ្នាក់ការងារ ហើយចំពោះសំណងយ៉ាង ណានោះលោកមិនបានដឹងឡើយ។ ក្រោយ ពេលកើតហេតុសមត្ថកិច្ចក៏បានចុះទៅ ពិនិត្យព្រមទាំងមានព្រះរាជអាជ្ញារចូល រួមទៀតផង ។
នៅក្នុងករណីនេះសាច់ញាតិក្រុមគ្រួ សារនៃសពជនរងគ្រោះមានការសោក ស្ដាយជាខ្លាំងចំពោះការបាត់បង់ជីវិតជន រងគ្រោះនៅក្នុងសណ្ឋាគារខាងលើនេះ វា ហាក់បីដូចជាមានការលាក់បាំងជាមួយ នឹងក្រុមគ្រួសារសព ដោយហេតុថា អ្នក គ្រប់គ្រងនៅក្នុងសណ្ឋាគារខាងលើនេះ មិនបានផ្ដល់ព័ត៌មានឱ្យក្រុមគ្រួសារ ពេលដែលជនរងគ្រោះជួបគ្រោះថ្នាក់ឱ្យ បានឃើញកន្លែងកើតហេតុ ៕
ដោយ៖ ឆ្លាមសមុទ្រ
