រដ្ឋលេខាធិការក្រសួងការបរទេសអីស្រាអ៊ែលលោកស្រី Tzipi Hotovely បានបង្ហាញការខឹងសម្បារចំពោះក្រុមអ្នកពិភាក្សាអន្តរជាតិដែលឈានដល់កិច្ចព្រមព្រៀងជុំវិញកម្មវិធីបរមាណូដែលមានវិវាទរបស់អីរ៉ង។លោកស្រីបញ្ចាក់ថាលោកខាងលិចបានចុះចាញ់ចំពោះស្តេចបីសាចអីរ៉ង។
លោកស្រីTzipi Hotovely បានបញ្ចាក់ថា«កិច្ចព្រមព្រៀងបរមាណូគឺជាការចុះចាញ់ប្រវត្តិសាស្ត្ររបស់ប្រទេសលោកខាងលិច ក្រុមបិសាចដែលដឹកនាំដោយអីរ៉ង»។ចំណែកមន្ត្រីការបរទេសអីរ៉ងបញ្ចាក់ថា អីស្រាអ៊ែល បានប្រើប្រាស់គ្រប់វិធីសាស្ត្រដើម្បីរារាំងកិច្ចព្រមព្រៀងដែលបានចុះហត្ថលេខា។
នាយករដ្ឋមន្ត្រីអីស្រាអែលលោក Benjamin Netanyahu នឹងមានសេចក្តីថ្លែងការតបតនឹងកិច្ចព្រមព្រៀងបរមាណូក្នុងរយពេលដ៏ខ្លីខាងមុខ។ ក្នុងពេលជាមួយគ្នានេះរដ្ឋមន្ត្រីការបរទេសអីរ៉ងបានស្ងើចសរសើរដល់កិច្ចព្រមព្រៀងបរមាណូជាមួយសហគមន៍អន្តរជាតិ ។មន្ត្រីការបរទេសអីរ៉ងបញ្ចាក់ទៀតថា នេះជាវិធីសាស្ត្រ«ឈ្នះឈ្នះ»ដើម្បីផលប្រយោជន៍ទាំងអស់គ្នា។កិច្ចព្រមព្រៀងខាងលើជាលក្ខណស្ថាបនា ជាការបើកផ្លូវដល់ក្តីសង្ឃឹមថ្មី។
មន្ត្រីការបរទេសអីរ៉ងលោក Mohammad Javad Zarif បញ្ចាក់ថា ជាមួយនិងកិច្ចព្រមព្រៀងខាងលើនឹងជួយលុបបំបាត់នៅបញ្ហាលំបាកបំផុតរបស់ពិភពលោក។លោកបន្តទៀតថាកិច្ចព្រមព្រៀងខាងលើមិនមានឥតខ្ជោះនោះឡើយ ប៉ុន្តែវាជាជោគជ័យដ៏ត្រជះត្រចង់ក្នុងទំនាក់ទំនងការបរទេស។
កិច្ចប្រជុំស្តីពីកម្មវិធីបរមាណូអីរ៉ងនិងប្រទេសមហាអំណាចលោកខាងលិច មានអាមេរិក អង់គ្លេស ចិន បារាំង អាល្លឺម៉ងនិងរុស្ស៊ីបានឈានដល់កិច្ចព្រមព្រៀងចុងក្រោយនៅថ្ងៃទី១៤ខែកក្កដា ។ កិច្ចព្រមព្រៀងនោះត្រូវបានប្រកាសជាផ្លូវការក្រោយកិច្ចប្រជុំបានបញ្ចប់។
ជាមួយនិងកិច្ចព្រមព្រៀងខាងលើ អីរ៉ងនិងកាត់បន្ថយមហិច្ឆិតាបរមាណូរបស់ខ្លួន ចំណែកលោកខាងលិចក៏នឹងលុបចោលទណ្ឌកម្មសេដ្ឋកិច្ចទៅលើអីរ៉ងផងដែរ។ កិច្ចព្រមព្រៀងខាងលើគឺជាការបញ្ចប់ភាពជាប់គាំងអូសបន្លាយរយពេល១២ឆ្នាំកន្លងមក។
រដ្ឋាភិបាលនិងពលរដ្ឋអីរ៉ងទទួលបានប្រយោជន៍ច្រើនជាងគេ ពីកិច្ចព្រមព្រៀង នៅទីក្រុងវីយ៉ែន ។ លោកប្រធានាធិបតីអ៊ីរ៉ង់ ហាសាន់ រ៉ូហានី បានសរសេរសារអបអរកិច្ចព្រមព្រៀងជាប្រវត្តិសាស្រ្ត ដែលភាគី អ៊ីរ៉ង់ និងប្រទេសមហាអំណាចបានបើកចរចា អស់ ២១មកហើយ។
ទណ្ឌកម្មសេដ្ឋកិច្ចរបស់ក្រុមប្រឹក្សាសន្តិសុខ អង្គការសហប្រជាជាតិ អាមេរិក និងសហភាពអឺរ៉ុបនៅឆ្នាំ ២០០៦ បានផ្ទប់ផ្លូវដង្ហើមសេដ្ឋកិច្ចអ៊ីរ៉ង់ តួយ៉ាង ការហាមមិនឲ្យទិញប្រេងពីអ៊ីរ៉ង់ជាដើម។ បើសិនទណ្ឌកម្មសេដ្ឋកិច្ចត្រូវដកចេញពីអ៊ីរ៉ង់ ផលប្រយោជន៍ដំបូងដែលអ៊ីរ៉ង់ត្រូវទទួលបាន គឺទ្រព្យសម្បត្តិ ប្រាក់ចំណូល ជាង ១៥០ពាន់លានដុល្លារ ដែលអ៊ីរ៉ង់ បានមកពីការលក់ប្រេង និងដាក់នៅធនាគារបរទេស ប៉ុន្តែ ត្រូវអាមេរិក និងសហភាពអឺរ៉ុប ផ្អឹបកក មិនឲ្យអ៊ីរ៉ង់បើកបាន ដោយសារតែទណ្ឌកម្មសេដ្ឋកិច្ច។
អ៊ីរ៉ង់បានទទួលផលប្រយោជន៍សេដ្ឋកិច្ច ពីកិច្ចព្រមព្រៀងដែលអ៊ីរ៉ង់ទើបរកឃើញជាមួយ ប្រទេសមហាអំណាច។ ជាមួយគ្នានេះ កិច្ចព្រមព្រៀងលើកនេះ នឹងបើកផ្លូវ អ៊ីរ៉ង់ឲ្យត្រលប់ទៅមានទំនាក់ទំនងល្អឡើងវិញ ជាមួយសហគមន៍អន្តរជាតិ ជាពិសេស វានឹងបើកផ្លូវឲ្យអ៊ីរ៉ង់ ត្រលប់មកមានទំនាក់ទំនងធម្មតា ជាមួយ អាមេរិក៕
