ភ្នំពេញ៖ រថយន្តកុងតឺន័រផែស្ងួតតេងឡាយមួយគ្រឿងបេីកចេញពីផែបំណងឆ្លងផ្លូវត្រូវរថយន្តកុងតឺន័រមួយគ្រឿងទៀតបេីកបុកចំពីចំហៀងពេញទំហឹងបណ្តាលឲ្យរងការខូចខាត តែសំណាងដែរដែលមិនមានមនុស្សរងរបួស គឺគ្រាន់តែស្ទះចរាចរណ៍យ៉ាងខ្លាំង។
ហេតុការណ៍នេះបានកេីតឡេីងកាលពីវេលាម៉ោង៣រសៀលថ្ងៃទី៦ខែធ្នូ ឆ្នាំ២០២០ នៅច្រកចូលផែស្ងួតតេងឡាយថ្មី តាមមហាវិថីឈ្នះ=ឈ្នះ ស្ថិតក្នុងសង្កាត់សំរោងក្រោម ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេឃេីញរថយន្តសណ្តោងទូកុងតឺន័រ ក្បាលពណ៌ក្រហម ពាក់ស្លាកលេខភ្នំពេញ3D -9332 បើកចេញពីផែស្ងួតតេងឡាយថ្មី ឆ្លងផ្លូវបំណងបត់ឆ្វេងទៅជេីង ស្របពេលនោះស្រាប់តែមានរថយន្តកុងតឺន័រ ក្បាលពណ៌ស ពាក់ស្លាកលេខភ្នំពេញ3E -1493 ធ្វេីដំណេីរតាមបណ្តោយមហាវិថីវិមានឈ្នះ=ឈ្នះក្នុងទិសដៅពីជេីងទៅត្បូងចាប់ហ្វ្រ័ងមិនទាន់ក៏ជ្រុលទៅបុកចំពីចំហៀងពេញទំហឹងបណ្តាលឲ្យគាបជាប់គ្នា តែសំណាងល្អមិនមានមនុស្សរងរបួសគឺគ្រាន់តែធ្វេីឲ្យស្ទះចរាចរណ៍យ៉ាងខ្លាំងប៉ុណ្ណោះ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងសម្រួលចរាចរណ៍។ ចំណែកភាគីរថយន្តទាំងសងខាងបានសម្របសម្រួលគ្នាដោយយកទៅជួសជុលដោយខ្លួនឯង៕ដោយ សុខាសែនជ័យ
