យ៉ាងហោចណាស់មនុស្ស២៨នាក់បានបាត់បង់ជីវិត និង៦១នាក់ផ្សេងទៀតបានរងរបួសធ្ងន់ ស្រាល កាលពីថ្ងៃទី១៧ ខែកុម្ភៈ ឆ្នាំ២០១៦ បន្ទាប់ពីហេតុការណ៍វាយប្រហារបំផ្ទុះគ្រាប់បែកក្នុងរថយន្តអត្តឃាត ដែលគោលដៅទៅលើកងកម្លាំងយោធាទួរគី ស្ថិតនៅកណ្តាលទីក្រុង Ankara តែម្តង ។ នេះជាការវាយប្រហារថ្មីចុងក្រោយដែលធ្វើឲ្យកក្រើកញាប់ញ័ររន្ធត់បំផុត ។
ការវាយប្រហារនេះបានធ្វើឡើងចំពោះក្បួនរថយន្តកម្លាំងយោធា ប៉ុន្តែទោះបីយ៉ាងណា គឺនៅមិនទាន់ដឹងឡើយថា តើនរណាមួយដែលស្ថិតនៅពីក្រោយការវាយប្រហារនេះ ។ ឧបនាយករដ្ឋមន្ត្រីទួរគី លោក Numan Kurtulmus បានបញ្ជាក់ថា ជនរងគ្រោះបាត់បង់ជីវិតកើនឡើង ។
ប្រធានាធិតីទួរគី លោក Recep Tayyip Erdogan ប្តេជ្ញាចាត់វិធានការសងសឹកចំពោះជនវាយប្រហារ និងអ្នកនៅពីក្រោយអំពើវាយប្រហារខាងលើនេះ ។ ការវាយប្រហារសម្លាប់រង្គាលនៅទួរគីនាពេលកន្លងមក គេតែងទម្លាក់កំហុសទៅលើក្រុ
មជីហាដនិយម និងទៅលើក្រុមឧទ្ទាមជនជាតិឃើដ ។
NKD_Ear10Wx8H_outline
ការបំផ្ទុះគ្រាប់បែកក្នុងរថយន្តអត្តឃាតស្រាប់តែបានកើតឡើង ខណៈដែលក្បួនរថយន្តដឹកកងកម្លាំងយោធារាប់សិបនាក់បាននិងកំពុងឈប់នៅភ្លើងស្តុប ភាគកណ្តាលទីក្រុង Ankara បណ្តាលឲ្យស្ថានការណ៍នៅទីនោះចលាចលតែម្តង ។
ទីក្រុងវ៉ាស៊ីនតោនបានថ្កោលទោសចំពោះការវាយប្រហារភេរវកម្មទៅលើកងកម្លាំងយោធាទួរគី និងជនស៊ីវិល
ខាងលើនេះ ៕
