ភ្នំពេញ៖ យុវជនម្នាក់បានស្លាប់ភ្លាមៗនៅកន្លែងកេីតហេតុខណៈដាក់ម៉ូទ័រខួងដីដេីម្បីតភ្ជាប់ទុយយោទឹកតែភ្លាត់ស្នៀតប៉ះចំខ្សែភ្លេីងដាច់រលាត់ធ្វើឱ្យឆក់ស្លាប់ កាលពីវេលាម៉ោង១០និង៥០នាទីព្រឹក ថ្ងៃទី០៨ ខែធ្នូ ឆ្នាំ២០២០ នៅចំណុចភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ។
ជនរងគ្រោះឈ្មោះកេីត សំនៀង ភេទប្រុស អាយុ២៣ឆ្នាំ មុខរបរដេីរតទឹក មានទីលំនៅក្នុងសង្កាត់គោករកា ខណ្ឌព្រែកព្នៅ។
តាមប្រភពព័ត៌មានបានឲ្យដឹងថា មុនពេលកេីតហេតុគេឃេីញជនរងគ្រោះនិងបុរសម្នាក់ទៀតបានបេីករ៉ឺម៉កកង់បីដឹកម៉ាស៊ីនភ្លេីងមួយគ្រឿងមកដាក់ម៉ូទ័របុកខួងដីនៅតាមចិញ្ចេីមផ្លូវដេីម្បីតទុយយោទឹក ខណៈកំពុងបុកខួងស្រាប់តែប៉ះខ្សែភ្លេីងដែលមានតំណទេីបឆក់បណ្តាលឲ្យស្លាប់តែម្តង។ ភ្លាមនោះប្រជាពលរដ្ឋឃេីញបែបនេះក៏នាំគ្នាជួយសង្គ្រោះដោយយកទៅកប់ដីខ្សាច់និងហៅរថយន្តសង្គ្រោះមកដឹកយកទៅសង្គ្រោះតែជនរងគ្រោះបានស្លាប់បាត់ទៅហេីយ។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុនិងពិនិត្យជាក់ស្តែងហេីយបញ្ជាក់ថាជនរងគ្រោះពិតជាស្លាប់ដោយត្រូវខ្សែភ្លេីងឆក់ប្រាកដមែន ទេីបប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី៕ដោយ សុខាសែនជ័យ
