ភ្នំពេញ៖ ទីតាំងផ្ទះមួយកន្លែងដែលមានស្តុកលក់ហ្គាសប្រភេទកំប៉ុង គ្រឿងហ្គាសត្រូវបាននគរបាលប្រឆាំងបទល្មើស​សេដ្ឋកិច្ចក្រសួង​មហាផ្ទៃ​ចុះបង្ក្រាប​ដែលសង្ស័យថា នាំផលិតផលចូលដោយគ្មានច្បាប់អនុញ្ញាត។ ប្រតិបត្តិការនេះធ្វើឡើង​កាលពី​វេលាម៉ោង២និង៣០នាទីរសៀល ថ្ងៃទី១៥ ខែកក្កដា ឆ្នាំ២០១៥ ស្ថិតនៅផ្ទះលេខ១០៧បេ ផ្លូវ១៥០ ស្កាត់ផ្សារដេប៉ូ២ ខណ្ឌទួល​គោក រាជធានីភ្នំពេញ។ សមត្ថកិច្ចជំនាញ​ដែលចុះ​ប្រតិបត្តិការ​ឆែកឆេរនេះបានបញ្ជាក់ថា ទីតាំងនេះសង្ស័យ​មានលក់បន្លំសារធាតុហ្គាល់​មានជាតិ​ពុលរំលោភទៅលើច្បាប់។ គេសង្ស័យថាម្ចាស់ទីតាំង​នេះវេចខ្ចប់​ច្រកបញ្ចូលកំប៉ុងបន្លំ​ដោយដាក់បញ្ចូលហ្គាស់ដែលមានសារធាតុពុល ។ បច្ចុប្បន្នសមត្ថកិច្ចកំពុងឆែកឆេរពិនិត្យមើលសម្ភារសង្ស័យខុសច្បាប់ទាំងអស់នោះ ៕ ស ដារ៉ា