ភ្នំពេញ ៖ បុរសម្នាក់មិនដឹងជាផឹកស្រាស្រវឹងជោកជាំមកពីណាទេបានបើកម៉ូតូទៅបុកគូទរថយន្តដែលកំពុងចតស្ងៀមនៅលើចិញ្ចេីមផ្លូវ បណ្ដាលឲ្យបែកមាត់បាក់ធ្មេញហូរឈាមស្រោចខ្លួន ។ ហេតុការណ៍នេះបានកេីតឡេីងកាលពីវេលាម៉ោង១១ និង២០នាទីយប់ថ្ងៃទី១៥ ខែធ្នូ ឆ្នាំ២០២០ នៅចំណុចក្បែរក្លិបប្លូឡាញ តាមបណ្ដោយផ្លូវលេខ២៧១ ក្នុងសង្កាត់បឹងទំពុន១ ខណ្ឌមានជ័យ រាជធានីភ្នំពេញ ។
តាមសម្ដីបុរសម្នាក់ជាម្ចាស់រថយន្តម៉ាក NAVARA ពណ៌ខ្មៅ ពាក់ស្លាកលេខភ្នំពេញ 2V-6575 បានប្រាប់ថា មុនពេលកេីតហេតុរូបគាត់បានបេីករថយន្តមកចតនៅលេីចិញ្ចេីមផ្លូវមុខផ្ទះរបស់គាត់នៅត្រង់ចំណុចកេីតហេតុនេះ។ ក្រោយមកក៏ស្រាប់តែមានបុរសម្នាក់ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៣ ពណ៌ខ្មៅ ពាក់ស្លាកលេខភ្នំពេញ 1BQ-1648 ធ្វេីដំណេីរតែម្នាក់ឯងតាមបណ្ដោយផ្លូវលេខ២៧១ ក្នុងទិសដៅពីជេីងទៅត្បូងដោយមានល្បឿនមធ្យម និងរេចង្កូតពេញផ្លូវតែម្នាក់ឯង ហេីយក៏ជ្រុលមកបុករថយន្តម៉ាកNAVARA ខាងលេីចំស្តុបក្រោយខាងឆ្វេងពេញទំហឹងបណ្ដាលឲ្យបែកស្ទុប រីឯម៉ូតូនិងម្ចាស់ម៉ូតូដួលអូសជាង៥ម៉ែត្រធ្វេីឲ្យម្ចាស់ម៉ូតូបែកមុខនិងបាក់ធ្មេញហូរឈាមជោកខ្លួនតែម្ដង ។
ក្រោយកេីតហេតុ រថយន្តសង្គ្រោះបន្ទាន់ពីរទៅបីគ្រឿងបានចុះមកដល់ដែរតែបុរសរងគ្រោះខាងលេីនេះមិនព្រមឡេីងរថយន្តសង្គ្រោះដេីម្បីទៅព្យាបាលរបួសឡេីយ រង់ចាំទាក់ទងទៅប្រពន្ធរបស់គាត់ចុះមកជួយដោះស្រាយឲ្យរូបគាត់ ។ ចុងបញ្ចប់ប្រពន្ធរបស់ភាគីខាងម៉ូតូបានមកដល់ហេីយពិនិត្យឃេីញស្ថានភាពជាក់ស្ដែង ក៏ព្រមសងថ្លៃខូចខាតទៅលេីភាគីរថយន្តចំនួន១៥០$ដេីម្បីបញ្ចប់រឿងហើយយកប្ដីដែលកំពុងស្រវឹងត្រឡប់ទៅផ្ទះលាងរបួសដោយខ្លួនឯង ៕ ដោយ៖ ភារ៉ា ដង្កោ
