កាស៊ីណូ Golden របស់ឧកញ៉ា កុក អាន បាក់ស្រុតជាន់ទី១បង្កការភ្ញាក់ ផ្អើលដល់ភ្ញៀវ

ចែករំលែក៖

ក្រុងប៉ោយប៉ែត ៖ កាស៊ីណូ Golden កម្ពស់៧ជាន់របស់ឧកញ៉ា កុក អាន បាន បាក់ស្រុតនៅជាន់ទី១ ផ្នែកពិតាន និងធ្វើ ឱ្យអ្នកញៀនល្បែងប្រុសស្រីជាច្រើននាក់ ភ័យលោះព្រលឹង ម្នាក់ៗរត់យកតែប្រះ អាយុស្មានតែមានឧប្បត្ដិហេតុរញ្ជូយ ដីកើតមាន ។

ហេតុការណ៍ខាងលើនេះបានកើត ឡើងកាលពីវេលាម៉ោង៩និង៣០នាទី យប់ថ្ងៃទី២១ ខែកុម្ភៈ ឆ្នាំ២០១៦ ស្ថិត នៅអគារកាស៊ីណូ Golden ៧ជាន់របស់ ឧកញ៉ា កុក អ*ាន ក្នុងភូមិក្បាលស្ពាន សង្កាត់-ក្រុងប៉ោយប៉ែត ។

ទោះជាមានហេតុការណ៍នេះកើត ឡើងអាជ្ញាធរមូលដ្ឋានបានអះអាងថា ភ្ញៀវប្រុសស្រីដែលកំពុងលេងល្បែងបាន រួចផុតពីគ្រោះថ្នាក់ ប៉ុន្ដែពួកគេមានការ ភ័យខ្លាចយ៉ាងខ្លាំង ដោយមិននឹកស្មាន ដល់ថា សំណង់ដ៏ទំនើប និងខ្ពស់ស្គឹមស្គៃ មានលក្ខណៈផុយស្រួយដែលគេសង្ស័យ ថា ការសាងសង់អាចកេងចំណេញ បច្ចេកទេស ឬគ្មានស្ដង់ដារគុណភាព។

គួររំលឹកថា កាស៊ីណូGolden របស់ ឧកញ៉ា កុក អាន កន្លងទៅបានចាក់ដី រំលោភយកដីមាត់អូររបស់រដ្ឋជាប់ព្រំ ដែនកម្ពុជា-ថៃ ។ ដោយឡែកចំពោះ កាស៊ីណូនេះផងដែរគេទទួលស្គាល់ថា យ៉ាងតិចមានពលរដ្ឋខ្មែរចាប់ពី៩០ភាគ រយបានចូលលេង ក្នុងនោះមានទាំង សមត្ថកិច្ច មន្ដ្រីរាជការ អាជីវករយ៉ាង ច្រើនកុះករដែលពុំមានការហាមឃាត់ ហើយកាស៊ីណូមួយនេះកំពុងតែមាន ចេតនាបំពានច្បាប់ អនុវត្ដផ្ទុយពីការ ហាមឃាត់របស់ក្រសួងសេដ្ឋកិច្ច និង ហិរញ្ញវត្ថុ ដែលពុំអនុញ្ញាតឱ្យពលរដ្ឋ ខ្មែរចូលលេងនោះ ។

អាជ្ញាធរ និងសមត្ថកិច្ចមូលដ្ឋាន ភាគច្រើនមិនហ៊ានទៅកាន់ទីនោះដោយ សារអំណាចលោកឧកញ៉ា កុក អាន បាន គ្របដណ្ដប់នៅទីនោះ និងមានឱកាសឱ្យ ពលរដ្ឋខ្មែរចូលលេងដោយសិរី ៕

sew