ភ្នំពេញ៖​ បេីតាមការអះអាងពីក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា​ ក្រុមប្រឹក្សាអភិវឌ្ឍន៍​ ទើបសម្រេចអនុម័តនូវសំណើរបស់ក្រុមហ៊ុនវិនិយោគគម្រោងបង្កើតរោងចក្រ និងកាត់ដេរសំលៀកបំពាក់ មួយកន្លែង ស្ថិតក្នុងសួនឧស្សាហកម្មកាណាឌីយ៉ា ផ្លូវវ៉េងស្រេង និងគម្រោងបង្កើតរោងចក្រផលិតធុងទឹកកក នៅក្នុងស្រុកអង្គស្នួល ខេត្តកណ្ដាល។

ជាក់ស្តែងចំពោះគម្រោងទាំងពីរនេះ មានទឹកប្រាក់វិនិយោគប្រមាណ៦លាន៣សែនដុល្លារអាមេរិក និងផ្ដល់ការងារ ចំនួនប្រមាណ​៥៦០កន្លែង។

សូមជម្រាបថា គម្រោងទាំងពីរដែលក្រុមប្រឹក្សាអភិវឌ្ឍន៍កម្ពុជា ទើបសម្រេចចេញវិញ្ញាបនបត្រចុះបញ្ជីជាស្ថាពរ រួមមាន ៖

១; “JIAN YUAN TONG GARMENT CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅអគារ D12 សួនឧស្សាហកម្មកាណាឌីយ៉ា ផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ២,៤លានដុល្លារអាមេរិក និងអាចបង្កើតការងារបានចំនួន ៣៦៤កន្លែង។

២– “POLYMER PLASTIC PRODUCTS (CAMBODIA) CO., LTD” គម្រោងបង្កើតរោងចក្រផលិតធុងទឹកកក ដែលមានទីតាំងវិនិយោគស្ថិតនៅភូមិជើងអក ឃុំលំហាច ស្រុកអង្គស្នួល ខេត្តកណ្តាល មានទុន វិនិយោគប្រមាណ ៣,៩លានដុល្លារអាមេរិក និងអាចបង្កើតការងារបានចំនួន ២០០កន្លែង៕ដោយ៖សហការី