ភ្នំពេញ៖ អគ្គិភ័យបានឆាបឆេះលំនៅឋានប្រជាពលរដ្ឋអស់៣ខ្នងស្ថិតនៅតាមបណ្តោយផ្លូវជាតិលេខ៤ ខាងកើតរបងសាលាបឋមសិក្សាជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ហេតុការណ៍នេះបានកើតឡើងកាលពីវេលាម៉ោង០០និង៣០នាទីរំលងអធ្រាត្រ ឈានចូលថ្ងៃទី២៥ ខែកុម្ភៈ ឆ្នាំ២០១៦ ។ ករណីនេះបណ្តាលឲ្យមនុស្ស២នាក់ គឺមនុស្សម្ចាស់ដែលចុងភៅម្នាក់ និងក្មេងស្រីម្នាក់ជាប់គាំង ហើយបានបណ្តាលឲ្យរងរបួសមុនការចូលរំដោះ ។
លំនៅឋានដែលរងការខូចខាតមាន៣ល្វែង ដែលនៅជាប់គ្នា គឺផ្ទះជាងជួសជុលម៉ូតូ និងផ្ទះលក់អេតចាយផងដែរ ។ ផ្ទះល្វែងទាំងនេះមានទំហំប្រមាណ៦ម៉ែត្រគុណនឹង៧ម៉ែត្រ ។
សមត្ថកិច្ចបានបញ្ជូនរថយន្តពន្លត់អគ្គិភ័យជាច្រើនគ្រឿងទៅបាញ់ទឹកអន្តរាគមន៍ ហើយនៅវេលាម៉ោង១រំលងអធ្រាត្រ អគ្គិភ័យបានរលត់ទៅវិញទាំងស្រុង ។
សមត្ថកិច្ចនៅមិនទាន់ពីមូលហេតុបណ្តាលឲ្យអគ្គិភ័យខាងលើនេះកើតឡើងនៅឡើយទេ ៕
...
ដោយ៖ សុខា សែនជ័យ
