ភ្នំពេញ៖ បុរសម្នាក់បានស្លាប់បាត់បង់ជីវិតភ្លាមៗនៅកន្លែងកើតហេតុនិងម្នាក់ទៀតររបួសធ្ងន់ត្រូវបានរថយន្ដសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យ ខណះដែលពួកគាត់កំពុងតែ ជិះម៉ូតូមួយគ្រឿងឌុបគ្នា ហើយត្រូវរថយន្ដហាយឡែនឌ័របើកក្នុងល្បឿនលឿនដោយមិនមានការប្រុងប្រយ័ត្នបាន ជ្រុលបុកចំពីមុខពេញទំហឹងអូសប្រហែល១០ម៉េត្របណ្តាលអោយស្លាប់ម្នាក់និងរបួសធ្ងន់ម្នាក់ ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យភ្លាមៗផងដែរ។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង២៣និង០០នាទីយប់ថ្ងៃទី២៨ ខែកុម្ភះ ឆ្នាំ២០១៦ នៅចំណុចខាងមុខឃ្លាំងសាំង តាមបណ្ដោយផ្លូវជាតិលេខ៥ ស្ថិតក្នុងសង្កាត់ ឬស្សីកែវ ខណ្ឌឬស្សីកែវ រាជធានីភ្នំពេញ។
ជនរងគ្រោះដែលស្លាប់មានឈ្មោះ ហ្វុង ឌឹកចុក ជាជនជាតិវៀតណាម ស្នាក់នៅភូមិទី១ក ឃុំស្វាយរលំ ស្រុកស្អាង ខេត្តកណ្ដាល។ ចំណែកម្នាក់ទៀតរងរបួសធ្ងន់នៅមិនទាន់ស្គាល់អត្តសញ្ញាណនៅឡើយទេ កំពុងស្នាក់នៅមន្ទីពេទ្យ។
សាក្សីនៅកន្លែងកើតហេតុបានអោយដឹងថា មុនពលកើតហេតុគេបានឃើញជនរងគ្រោះជិះម៉ូតូមួយគ្រឿងម៉ាកហុងដា ឌ្រីមC125 ពណ៌ខ្មៅ ពាក់ស្លាកលេខ សៀមរាប1H-2094 ធ្វើដំណើរតាមបណ្ដោយផ្លូវជាតិលេខ៥ទិសដៅពីត្បូងទៅជើងលុះមកដល់ចំណុចកើតហេតុមានរថយន្ដម៉ាកហាយឡេនឌ័រ ពណ៍សរ គ្មានស្លាកលេខ បើកបរដោយបុរសម្នាក់ធ្វើដំណើរទិសដៅពីជើងទៅត្បូង(បញ្ច្រាសទិសគ្នា)បើកក្នុងល្បើនលឿនបានជ្រុលបុកម៉ូតូពេញទំហឹងនិងអូសប្រហែល១០ម៉ែត្របណ្ដាលអោយអ្នកបើកម៉ូតូស្លាប់ភ្លាមៗនៅកន្លែងនិងអ្នកជិះពីក្រោយរងរបួសធ្ងន់។
ប្រភពដដែលបានបន្តថាក្រោយពេលកើតហេតុរថយន្ដសង្គ្រោះបន្ទាន់បានមកដឹកជនរងគ្រោះយកទៅសង្គ្រោះនៅមន្ទីពេទ្យ ចំណែកម្ចាស់រថយន្ដត្រូវបានសម្លាំងសមត្ថិកិច្ចឃាត់ខ្លួនយកទៅសួរនាំនៅប៉ុស្តិ៍ឬស្សីកែវ។ ក្រោយកម្លាំងជំនាញបានចុះធ្វើការវាស់វែងយករថយន្ដនិងម៉ូតូទៅរក្សាទុកនៅការិយាល័យចរាចរណ៍រាជធានីភ្នពេញដើម្បីរងចាំដោះស្រាយនៅពេលក្រោយ។ ចំណែកសពជនរងគ្រោះសមត្ថកិច្ចបានប្រគល់អោយក្រុមគ្រួសារយកទៅធ្វើបុណ្យតាម ប្រពៃណីនៅឯស្រុកកំណើត៕
ដោយ៖ ព្រែកជ័យ
