ភ្នំពេញ៖ រនាំងដែកពុះចែកទ្រូងផ្លូវ៨ផ្ទាំងបានរងការខូចខាតបាក់រ៉ាយប៉ាយពេញផ្លូវ ដោយសារតែយុវជន២នាក់ស្រវឹងស្រាជោគជាំបានបើករថយន្តហាយប្រ៊ីដក្នុងល្បឿនលឿនបុករះធ្លាយពីផ្លូវម្ខាងទៅផ្លូវម្ខាងទៀង សំណាងល្អមិនគ្រោះថ្នាក់ដល់អ្នកដ៏ទៃ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២នឹង១០នាទីរំលងអាធ្រាតឈានចូលថ្ងៃទី២ ខែមិនា ឆ្នាំ២០១៦ តាមបណ្តោយផ្លូវព្រះមុន្នីវង្ស កែងនឹងផ្លូវលេខ៣៣៤ ស្ថិតក្នុងសង្កាត់បឹងកេងកងទី៣ ខណ្ឌចំការមន។

ប្រភពពត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញរថយន្តហាយប្រ៊ីដ ពណ៍ទឹកប្រាក់ ពាក់ស្លាកលេខ ភ្នំពេញ 2W 9636 បើកបរដោយយុវជន២នាក់ក្នុងស្ថានភាពស្រវឹងស្រាជោគជាំបើកតាមបណ្តោយផ្លូវព្រះមុន្នីវង្ស ទិសដៅពីជើងទៅត្បូងក្នុងល្បឿនយ៉ាងលឿនរេពេញផ្លូវ ពេលមកដល់ចំណុចកើតហេតុបានរេចង្កូតទៅខាងឆ្វេងដៃ បុករះរនាំងដែកធ្លាយពីម្ខាងទៅម្ខាង បាក់ចំនួន៨ផ្ទាំងរ៉ាយប៉ាយពេញផ្លូវ សំណាងល្អមិនបង្កគ្រោះថ្នាក់ដល់អ្នកដ៏ទៃ ចំណេករថយន្តបង្ករងការខូចខាតយ៉ាងដំណំ។

ក្រោយកើតហេតុសមត្ថកិច្ចជំនាញបានចុះមកធ្ចើការវាស់វែង និងយករថយន្តបង្ករួមទាំងអ្នកបើករថយន្តទាំង២នាក់ ទៅការិយាល័យចរាចរណ៍គោករាជធានីភ្នំពេញរង់ចាំដោះស្រាយនាពេលក្រោយ៕

ដោយ៖ ជីម ភារ៉ា ដង្កោ