ភ្នំពេញ៖ បងប្អូនប្រជាពលរដ្ឋដែលតែងតែប្រមូលផ្ដុំគ្នា ក្នុងការជួបជុំផឹកស៊ីគួរតែនាំគ្នាផ្អាកសិនទៅ ពីព្រោះករណីឆ្លងកូវីដ-១៩ កំពុងតែរាលត្បាតជាសកល ដូច្នេះបងប្អូនគួរតែចូលរួមទប់ស្កាត់ទាំងអស់គ្នា ដេីម្បីជៀសវាងការចម្លងពីម្នាក់ទៅម្នាក់។ ប៉ុន្តែចំពោះបងប្អូនណានៅតែបន្តការផឹកស៉ី ឬជួបជុំគ្នាមិនស្ដាប់តាមការណែនាំរបស់រាជរដ្ឋាភិបាល និងក្រសួងសុខាភិបាលនោះទេ អាជ្ញាធរមូលដ្ឋានអាចនឹងមានវិធានការចុះធ្វេីការអ់រំដោយអនុវត្តតាមនីតិវិធីច្បាប់។
ជាក់ស្ដែងនៅវេលាម៉ោង១០ និង០៧យប់ថ្ងៃទី២១ ខែមីនា ឆ្នាំ២០២១ កម្លាំងនគរបាលខណ្ឌបឹងកេងកង បានដឹកនាំបានចុះធ្វេីការណែនាំអប់រំ ដល់ប្រជាពលរដ្ឋដែលជួបជុំផឹកសុីបង្កសម្លេងរំខានដល់អ្នកជិតខាងក្នុងមូលដ្ឋានរបស់ខ្លន ជាពិសេសគឺការជួបជុំ ដែលផ្ទុយពីការណែនាំរបស់ក្រសួងសុខាភិបាល ដេីម្បីចូលរួមបង្ការ ទប់ស្កាត់ការឆ្លងរាលដាលវីរុសកូវីដ១៩។
ក្នុងប្រតិបត្តិការនោះដែរ មន្រ្តីនគរបាលខណ្ឌបឹងកេងកង ក៏សូមអំពាវនាវដល់បងប្អូនប្រជាពលរដ្ឋឲ្យមានផ្អាកជួបជុំគ្នាខ្លះទៅ ព្រោះការជួបជុំនេះហើយ ដែលអាចបង្កឲ្យមានការឆ្លងវីរុសកូវីដ១៩។ ហេីយបេីមិនបានជួយអ្វីដល់ក្រុមគ្រូពេទ្យ និងសមត្ថកិច្ចទេនោះ សុំត្រឹមតែបងប្អូនប្រជាពលរដ្ឋកុំចេញក្រៅផ្ទះបេីគ្មានការចាំបាច់ !!!៕ដោយ៖សហការី
